Video
Read full review
2020-04-16
492 views
平日有得正常飛行的日子，深圳就係安慰自己小出走的好地方。不過而家連大陸都無得上，唯有係生活上找旅行的感覺。想上海，吃小籠包；想日本，吃壽司；想馬來西亞，吃叻沙，其實香港什麼也有，吃完當旅行吧。前幾日，突然想起深圳，想念酸辣湯和麻辣燙，想起了土瓜灣食街看到有間新店，不如搵番深圳嘅街頭感覺。在香港，我也沒有試過麻辣燙，都一定冇深圳感覺，但如飲美沙酮嘅道理，食住先啦。廣豐美食就如平日龍津一樣有很多小食，但就多了雪櫃買麻辣燙，個名叫生哥麻辣燙。全部七蚊串，自助式，最少三串，由牛丸，魚蛋，菜到不同內臟多有，最緊要有粉麵烏冬，九元有得選。個湯算幾好，還有那些芫荽蔥和花生，好令人開胃，你可以選小辣到大辣也得，隨個人口味。叫左幾樣一定要食嘅，如海帶，牛丸，墨丸，芋頭都幾好。唯人係個豆卜好麻麻。嗰個湯完全冇浪費，係屋企自己再煮過麵。平平地，值得食下，同係深圳吃嘅價錢都差唔多，不用去太遠，殺住先。廣豐美食 土瓜灣馬頭角道9號地下C3號舖
不過而家連大陸都無得上，唯有係生活上找旅行的感覺。
想上海，吃小籠包；想日本，吃壽司；想馬來西亞，吃叻沙，其實香港什麼也有，吃完當旅行吧。
前幾日，突然想起深圳，想念酸辣湯和麻辣燙，想起了土瓜灣食街看到有間新店，不如搵番深圳嘅街頭感覺。
在香港，我也沒有試過麻辣燙，都一定冇深圳感覺，但如飲美沙酮嘅道理，食住先啦。
廣豐美食就如平日龍津一樣有很多小食，但就多了雪櫃買麻辣燙，個名叫生哥麻辣燙。
全部七蚊串，自助式，最少三串，由牛丸，魚蛋，菜到不同內臟多有，最緊要有粉麵烏冬，九元有得選。
個湯算幾好，還有那些芫荽蔥和花生，好令人開胃，你可以選小辣到大辣也得，隨個人口味。
叫左幾樣一定要食嘅，如海帶，牛丸，墨丸，芋頭都幾好。
唯人係個豆卜好麻麻。
嗰個湯完全冇浪費，係屋企自己再煮過麵。
平平地，值得食下，同係深圳吃嘅價錢都差唔多，不用去太遠，殺住先。
廣豐美食
土瓜灣馬頭角道9號地下C3號舖
Post
