Lab Made 分子雪糕專門店 (Closed)

是晚兩位女生吃罷中式小菜，因甜品選擇不合胃而決定轉場！忽然記得袋中有兩張分子雪糕卷，就決定稍移玉步行過隔離街換左佢！今期的四款口味！有我喜歡的腐竹雞蛋糖水味！分子雪糕係即叫即做，我是用禮券的，所以收費是waive 了！單上印有編號，看著螢光幕的號碼領取雪糕就可以！等左五至十分鐘左右就到我拎～不過發生左一件小事，在等食的時候，我見到之前嗰個客最上面嗰層sauce 係用吱吱樽吱上去嘅，而到整我嗰杯時，女店員剛剛由大樽轉細樽，去到最底又好難轉入細樽，我睇住佢想淋落去，立即叫住唔好淋呀，淋落去好醜樣㗎！不過佢唔理照倒落去，個成品立即似baby food !本身分子雪糕已經係半溶化仲要一野淋落去，仲要叫住都仲唔停！嬲到我啤行呀！杯雪糕我㗎！之後女店員話，你用啲Filter,美圖秀秀執左先放上網咪一樣！本來都無咁火的，執唔執相使你教！我而家覺得好核突連食都唔想食，咪應該多謝你隻神來之筆呢！男店員應該聞到火藥味，話整過杯俾我！咁就算啦，等多五分鐘囉！講返杯雪糕，我揀左腐竹雞蛋糖水味，延續是晚的小廚中菜風，呢個味道我食過好幾次，每次食都會覺得好驚為天人，之後又會記得自己食過！豆腐味雖濃郁，但整體好清新