Bingo & Cook (Moved) New Location

九龍灣嘅國際展貿中心可能對於我哋嚟講就偏遠左少少，又要轉車先可以到，如果唔係有啲乜嘢大型嘅展覽可能都比較少去。但係佢而家其實都幾多嘢行，係一個幾唔錯嘅outlet。最重要佢入邊係有一個大型嘅戲院，講真唔使同人迫，舒舒服服，泊車又有優惠都唔錯。睇完戲之後想去醫肚，其實依家嗰度都有好多唔同類型嘅餐廳。今日我就去搵左oppa 餐廳，呢一間韓國餐廳喺銅鑼灣都會有分店，但係我就係第一次食。雖然佢所有嘅食物都係用紙盒，但係咁樣反而顯得簡潔，食物嘅質素亦都非常之高。我特別就係愛惜佢呢一個泡菜煎餅，係即叫即整，所以食嗰陣時候熱辣辣，外層咬落去脆口，入邊有濃郁嘅泡菜香，麵粉亦都做得好煙韌。另一個要一提就係呢一個炸魷魚彈彈麵，初頭以為佢淨係一個好普通嘅韓國公仔麵，但係咬落去呢一個面十分之彈牙，比起公仔麵起碼彈牙兩三倍，而且佢唔係一個湯麵，佢係一個撈麵，所以食起上嚟個味道會比較淋，同埋比較辣。兩個人食嘅份量其實都有限，如果下次可以再食嘅話，我好想試一試佢嘅燒雞同埋炸雞，應該都十分之有水準嘅。