九鼎記粉麵世家

Open Now

Now Closed

今日係旺角睇完戲就出左去搵野食，係彌敦道行行下見到呢間好光猛又新淨嘅粉面店，睇佢餐牌抵好多選擇，而且性價比高，崩沙腩麵都唔使60蚊，我哋就入去試吓啦。坐低左之後我哋就叫左招牌八寶麵，崩沙牛腩墨魚鬚撈粗，炸墨魚丸小食同兩杯凍檸茶。個八寶麵上枱先，見到都好足料，個麵底都唔少，食落爽口，唔好煮得太軟熟，而啲配料都好高質，牛腩唔會韌，牛肚好爽，魚蛋類大大粒，𡯁其個胡椒豬肚丸，食完齒頰留香。而個撈粗就更加大份，配料份量充足，崩沙腩真係好有牛味，墨魚鬚好爽口，個撈粗都煮得啱啱好。最後個炸墨魚小食有五粒大大粒，炸得香脆，仲食到啲墨魚粒，配埋杯凍檸茶真係一流。有機會大家都可以嚟試吓！