譽小館 (Changed Hand) New Restaurant

上水好幾間酒樓味道都好一般，相對黎講呢度唔洗加一，想食點心既會更加推薦黎「譽小館」。而且兩個人都係坐卡位，可以坐得更舒服。🥢香芋上素果純素既蒸粉果，外皮Q彈，餡料豐富。🥢黑松露帶子餃帶子爽滑，咬一啖就有好香濃嘅黑松露味飄哂出黎。🥢鵪鶉蛋燒賣燒賣餡唔似平時酒樓食既油膩，加上鵪鶉蛋味鲜美，調味剛剛好，一食愛上，必點之選。🥢柱候牛筋/北菰雙拼麵柱候味濃，牛筋夠哂稔，色鮮味美，味道咸香鮮美，用上騸牯牛成本高，必叫之選，北菰點既北菰同樣好稔甜。🥄順德雙皮奶即叫即蒸，帶微微薑味，甜度適中，味道甜美，相比要排隊既澳奶還要好食。🥄楊枝甘露最令人喜愛既港式甜品，酸酸甜甜，冰冰涼涼，味濃又料多實在，飯後食滿足哂。