影の鳥 (Closed)

由mirror成員jer、ak同埋error嘅肥仔合資嘅日式串燒店以黑色為主調，座位唔多但坐得非常舒服。逢星期三、日限定嘅放題，包括自選主食一份，其餘任食嘅食物包括先付、沙律、刺身、天婦羅、燒物、湯同飲品，想問酒嘅可以加錢free flow。﹆ 150分鐘日式半自助餐 $498♙ 主食香蔥吞拿魚丼嘅吞拿魚幾鮮甜，細細碗啱啱好唔驚太飽。美人鍋湯底清甜，除咗嫩滑嘅雞件仲有大量蔬菜、菇、豆腐等，大推。♙ 先付唐揚雞軟骨粒呈金黃色，賣相吸引，口感爽脆，很惹味。♙ 串燒試勻咁多款串燒，最推薦黑豚腩同豚肉蘋果串，前者充滿油脂香，後者以豚肉包住蘋果，非常juicy，實屬創意之作。爽脆嘅秋葵、肥美嘅廣島蠔、香口嘅大蔥雞肉串都唔錯，唯一失望位係雞皮比較乾同牛舌比較韌。♙ 刺身一共有三文魚、油甘魚、帶子及赤蝦四款，三文魚正正常常，油甘魚非常厚切，帶子鮮甜，赤蝦彈牙。