Video
Read full review
2010-08-25
17 views
上星期五晚同男朋友差不多時候收工，見唔係好夜當然要同佢食d好野啦。最近皇室堡多了好幾間新食肆亦成為左我地既覓食新地方，之前見到「金牌小龍」已經係商場內設有宣傳品，雖然曾經到過The ONE的總店不過都係銅鑼灣比較就腳而且得知人潮無尖沙咀咁多，果然去到可以即刻入坐，嘻嘻！是晚點左以下幾樣︰金牌小籠油蔥拌麵什錦豆乾絲排骨蛋炒飯蔥燒大飽先來評一評個小籠包，皮薄薄的不過唔容易夾爛，經常夾穿小籠包的男朋友依然小心奕奕，不過以我觀察包的質素而且蒸籠上放有的濕布一塊，失敗的機會應該好微我叫男友放膽一試，哈，大成功啦！食落肉汁豐富又熱辣辣，要小心燙到呀。再來試試評語一直麻麻的排骨蛋炒飯，飯確實跟其他食評所指炒得唔夠乾身，但個人認為唔算太差，油份亦無之前食評所反應既咁多，可能店家已經作出改善，排骨有點過咸而且好重黑椒味，期待佢地可以再做得更好。什錦豆乾絲，我地從未係其他餐廳食過呢個菜，係男朋友一時興起的order，豆絲跟粉皮撈埋一齊，味道偏淡。油蔥拌麵，當初我還以為拌麵一定係乾上，點知「金牌小龍」的版本竟然有湯，麵身食落好滑，唔錯，可惜有點太淋身，蔥本身好似無炸過所以缺少左乾蔥的香味。男友自己要左個蔥燒
是晚點左以下幾樣︰
金牌小籠
油蔥拌麵
什錦豆乾絲
排骨蛋炒飯
蔥燒大飽
先來評一評個小籠包，皮薄薄的不過唔容易夾爛，經常夾穿小籠包的男朋友依然小心奕奕，不過以我觀察包的質素而且蒸籠上放有的濕布一塊，失敗的機會應該好微我叫男友放膽一試，哈，大成功啦！食落肉汁豐富又熱辣辣，要小心燙到呀。
再來試試評語一直麻麻的排骨蛋炒飯，飯確實跟其他食評所指炒得唔夠乾身，但個人認為唔算太差，油份亦無之前食評所反應既咁多，可能店家已經作出改善，排骨有點過咸而且好重黑椒味，期待佢地可以再做得更好。
什錦豆乾絲，我地從未係其他餐廳食過呢個菜，係男朋友一時興起的order，豆絲跟粉皮撈埋一齊，味道偏淡。
油蔥拌麵，當初我還以為拌麵一定係乾上，點知「金牌小龍」的版本竟然有湯，麵身食落好滑，唔錯，可惜有點太淋身，蔥本身好似無炸過所以缺少左乾蔥的香味。
男友自己要左個蔥燒大飽，我試左一啖，包面乾身左少少不過都可以，唔會太硬，餡料有傳統濃油赤醬的味道，好彩無個種太濃烈的蔥味，都算合格。
菜上完，記得之前有食評讚過個粉蒸排骨，又心思思再追加了。等左成半個鐘我地追問之下侍應回答話廚房師傅今晚蒸唔到應有的水準，唔好意思。其實我地唔係好介意等，不過睇得出廚房同樓面同事溝通不足，又或者阿師傅可能真係太投入要蒸番好碟排骨唔記得update樓面同事？
一般黎講「金牌小龍」非常有「頂太豐」的影子，無論裝潢、食譜以及員工的制服及培訓等，加上定價較「頂太豐」平，一定有捧場客，雖然食物的質素同服務水準仲有可改善的空間，呢餐飯都叫食得滿意，請努力改善一下，會再黎的！
Post
