得閒飲茶

Open Now

Now Closed

因為屋企人喺度附近返工，而且之前阿媽嚟過呢度食又覺得幾好，所以決定中秋節同媽媽嚟咗呢度食晚飯。一入到去即刻有人招呼，空間都幾闊綽睇下個餐牌啲嘢都幾抵一般來講我都會是蝦餃燒賣，因為越簡單嘅嘢就越容易試食餐廳好壞。蝦餃唔錯，皮好薄所以一攞起好容易會穿，而且佢嘅蝦味好充足。燒賣菇同埋豬肉味就冇咁出，但係都OK 㗎我一般來講都好鍾意食灌湯小籠包，好難得地搵到一個地方平靚正。有啲地方嘅小籠包皮好厚但係呢一間嘅啲皮嘅厚度就啱啱好小籠包去湯好足夠所以食嘅時候一定要小心辣親。佢嘅棉花雞都好唔錯，啲湯汁好好飲，豬皮好好味。最令我驚喜嘅反而係一般來講平平無奇嘅章魚肉餅飯，因為佢啲荷葉包住啲飯應該係之前醃左好耐，所以食個章魚肉餅嘅時候啲飯粒粒好爽同埋有好香嘅荷葉味道。而且啲章魚肉餅都好香好鮮味，兩個人真係食唔晒。買單茶錢都係$4位咋，食咗咁多嘢都係大約$150真係唔錯。