Grill'er 石燒扒專門店 (Closed)

早段時間去試呢間大圍開既石燒專門店，排隊排左30分鐘左右終於有得入座，先喺門外點餐機入錢買野食及野飲後，就入去等，喺等扒到既時候可以自行添飯及湯（無限任添）。湯味道濃郁，飯可加上調味料配搭亦十分開胃。我點既係牛柳，份量大概係180g。肉味算濃，但唔算十分好吃，不過不失。環境上衞生情況不錯，但座位設計上麻麻，有種去「探監」既感覺😂😂不過店員及老闆態度良好，係一個加分位。新開期間好似係開到晚上10點半，9點定9點半後有買一送一優惠。（唔知到幾時完架）