銓滿記餐廳小廚 (Closed)

朋友推介話係十大煲仔飯，呢個天氣岩哂，所以我地一行4人就去左試下，一般茶餐廳環境。我地叫左3個小菜配米線，兩個煲仔飯。薑蔥雞煲，爆得幾夠香，雞的份量都多。津白一般有檸樂煲薑👍🏼椒鹽鮮魷，炸粉厚左d令口感差了，炸出來每件都好大，所以得幾件。蒜蓉扇貝粉絲煲仔飯，好奇怪既配搭，我亦不太喜歡呢個味道，中伏。最後我地都係食左d粉絲同扇貝，一d都唔好送飯。都係窩蛋牛肉煲仔飯比較配搭，d豉油同飯焦都係一個好既煲仔飯不可或缺既野，味道不錯。整體味道我覺得一般，煲仔飯唔覺得特別出色，但價錢相對合理。