Chef's Stage Cafe (Moved) New Location

我記得一入間舖頭, 係又黑又迫....侍應每次都要好小心咁行...otherwise就會唔小心將d野倒瀉...黑到連menu都要開手機電筒app來睇...迫到我個手爭係會掂到隔離台果個人...講d乜野都會比人聽到, 人地講野又會比我聽到...總之就係嘈...但我去果日已經係weekday, 真係唔敢想像weekend晚市會係點樣?嗌左兩個set dinner, 跟湯/salad, 再送一杯熱朱古力做飲品...我覺得tomato soup同salad都唔錯, 冇乜驚喜...同一般連鎖店差唔多, 份量適中..三文魚親子意粉唔好食, 連自己係屋企求其煮來醫肚都好食過佢...三文魚肉有d腥腥地, 三文魚子又唔係好新鮮, 搞到個意粉汁都係少少腥...個pasta口感一般, 唔夠chewy, 好似overcook煮淋左...個味帶咸帶腥...同埋唔夠熱...只係少少暖...可能因為個廚房係隔離舖, 每次煮完拎過來都要經室外...到個意大利飯,,, 簡直係冇味....雖然係素菜, 但真係一d味都冇...個意大利飯有d似係super market買返來一包包加水即食果d咁既味道&口感...有d失望..