Video
Read full review
2013-08-12
138 views
拉麵風不斷，呢間已到咗香港一段時間嘅秀拉麵，風頭好似已被其他新拉麵店蓋過。由於去開中環做嘢，所以就幫襯一下。午飯時間，起初店員叫我哋坐門口張枱，唔係就要等。但由於門口太熱，所以我哋決定等。呢個時候另一店員出嚟，佢哋細細聲咁講，討論緊入面有位，俾唔俾我哋坐咁。好彩有呢位店員咋，我哋即刻被安排入坐。同其他拉麵店一樣，都係以唔同顏色去分別拉麵種類。另外有沾麵選擇。午市仲有lunch set。我哋4個人，order咗4款麵share。白秀、赤秀、黑秀湯麵同黑秀沾麵。先嚟嘅係黑秀拉麵。湯底係豬骨湯，有黑醬油喺面。以九州豬骨湯作主打，嘜湯底唔係應該較濃較稠架咩？但呢度嘅湯冇嘜豬骨味，只覺有鹽味，對湯底有點失望。麵嘅texture，雖然揀咗普通，但都覺得有點硬。而且冇嘜麵味。我覺得一碗拉麵最緊要係湯同麵，呢兩方面都做得麻麻，唔怪之得午飯時段都冇排長龍。配料就ok。叉燒夠香亦鬆軟。白秀拉麵就更普通，除咗冇黑醬油外，comment同以上一樣。至於赤秀，order 咗中辣。辣味有啲似中國口味，配上日式豬骨湯底好似有啲格格不入。但以辣度嚟講都算幾辣。基本上3款麵其實差唔多，只係加咗黑醬油同辣醬嘅分別。整體感
午飯時間，起初店員叫我哋坐門口張枱，唔係就要等。但由於門口太熱，所以我哋決定等。呢個時候另一店員出嚟，佢哋細細聲咁講，討論緊入面有位，俾唔俾我哋坐咁。好彩有呢位店員咋，我哋即刻被安排入坐。
同其他拉麵店一樣，都係以唔同顏色去分別拉麵種類。另外有沾麵選擇。午市仲有lunch set。我哋4個人，order咗4款麵share。
白秀、赤秀、黑秀湯麵同黑秀沾麵。
先嚟嘅係黑秀拉麵。
湯底係豬骨湯，有黑醬油喺面。以九州豬骨湯作主打，嘜湯底唔係應該較濃較稠架咩？但呢度嘅湯冇嘜豬骨味，只覺有鹽味，對湯底有點失望。麵嘅texture，雖然揀咗普通，但都覺得有點硬。而且冇嘜麵味。我覺得一碗拉麵最緊要係湯同麵，呢兩方面都做得麻麻，唔怪之得午飯時段都冇排長龍。
配料就ok。叉燒夠香亦鬆軟。
白秀拉麵就更普通，除咗冇黑醬油外，comment同以上一樣。
至於赤秀，order 咗中辣。辣味有啲似中國口味，配上日式豬骨湯底好似有啲格格不入。但以辣度嚟講都算幾辣。
基本上3款麵其實差唔多，只係加咗黑醬油同辣醬嘅分別。整體感覺一般而已，冇嘜特色。至於黑秀沾麵，更稱唔上有咩特別。只係將麵同湯汁分開，湯汁有點黑醬油同魚介味道，但有頗強嘅蒜味。而湯汁更係稀稀的，不值一試。
環境方面，以黑色為主調，感覺亦新淨整潔。由於open kitchen而師傅又不停燒叉燒嘅關係，店內油煙感較重，冷氣亦唔夠。總括嚟講，呢度嘅拉麵真係好一般。呢間同樣係來自日本嘅拉麵店，喺依家競爭咁劇烈嘅市場下，應該好好改善一下。
Post
