禮 (打鼓嶺道)

Open Now

Now Closed

媽媽鹹蛋豬肉棒呢個又係好有創意，豬肉卷然後喺上面舖上鹹蛋醬。日本吉列生蠔並非一般炸生蠔，食到生蠔本身好新鮮，鍾意食蠔嘅人會好喜歡。唐揚炸雞用心炸雞，加上檸檬汁好配！清酒煮蜆粒粒蜆都好大，清酒完美咁將佢嘅鮮味調出嚟！讚！脆皮白鱔用少少胡椒燒嘅白鱔，層燒焦咗少少嘅皮真係好脆，好味。胡麻蕃茄沙律蕃茄沙律好開胃，配上基本日本沙律同胡麻醬，真係好好食，胃口大開。除咗嘢食之外，舖頭仲可以加$98有兩小時啤酒或清酒任飲優惠。咁正嘅話一定要再嚟！話時話晚市呢度好飽，一定要book位先至可以嚟到，大家要留意啦！