生記飯店 (Moved) New Location

今晚同客食飯，佢想食得地道又夠鑊氣，於是就諗起之前曾經食過嘅生記枸杞豬潤～真係冇得輸枸杞獨有嘅味道加上爽彈豬潤，真係正到不得了。生磨煎蓮藕餅～蓮藕爽口，加上豬肉彈牙，再加上其他材料一齊煎，超有驚喜。蜆介鯪魚球～彈牙嘅魚球充滿魚香，吃得出是用純鯪魚肉打成，蜆介醬咸香惹味，令人食唔停口；不過，今次嘅魚球稍稍咸咗少少！生炒排骨夾咕嚕肉～脆漿頗薄且炸得夠脆，酸甜汁較得好味；咕嚕肉夠軟滑，但排骨就略嫌肉簿骨大。泥鯭肉丸粥～拆了肉的泥鯭混在軟綿的米粥中，每一口都鮮甜好好味，肉丸有咬口，跟魚粥竟十分相配。酥炸桶蠔～脆醬調得剛剛好，又薄又酥脆，內裏淡淡鮮甜蠔肉。白糖糕～清甜彈牙，略嫌帶點酸味。