素年 (福隆大廈)

Open Now

Now Closed

早排要幫媽媽買餸，行到肉檔本身想買舊肉煲湯，但突然之間見到街市豬肉檔掛滿一舊舊有點反胃就走人，然後幾日都唔太想食肉，於是就四圍搵素食餐廳，食過幾間後都係發最愛還是素年。餐廳原來會定時定候更換餐廳上嘅菜式，今次選擇咗兩個主菜&一沙律，另加兩個飲品，包括：超級維他命C奇異果野莓沙律照燒汁南瓜可樂餅竹炭漢堡唐揚猴頭菇純素忌廉菠菜扁意粉紅棗桂圓杞子玫瑰花茶生薑紅棗桂圓柚子紫蘇茶照燒汁南瓜可樂餅竹炭漢堡內配有芥末醬，而南瓜可樂餅有香甜南瓜味，而竹炭麵包好鬆軟。超級維他命C奇異果野莓沙律睇餐牌時已經好靚，實物嚟一樣咁好睇，唔單止好睇，仲好好味。沙律放棄使出傳統沙律醬，改用芒果汁酸酸甜甜，而士多啤梨、藍莓都好甜。唐揚猴頭菇純素忌廉菠菜扁意粉上嘅猴頭菇，口感真係好似食緊肉，如果呢個猴頭菇有出小食就更加開心。紅棗桂圓杞子玫瑰花茶超濃玫瑰香味，而生薑紅棗桂圓柚子紫蘇茶好適合冬天飲，飲完成個人暖笠笠，而紫蘇葉除咗香味特別之餘仲可以驅寒，絕對啱哂怕凍嘅人。好開心香港仲有一間咁用心製作食品嘅餐廳。