巢私厨川菜 (Under Renovation)

今晚在銅鑼灣附近放工，就相約朋友一齊食個晚飯。想起很耐未食過川菜，就搵到呢間係金利文廣場的巢私厨川菜，方便易搵，菜式又多又正宗。餐廳入面寬落光猛，座位多而舒適，環境新淨。一坐低餐廳就推介我地點呢個貴妃葡萄，$62,因為係同個名其實無咩關係，唔係葡萄來的，係用紅酒甜醬浸的冬瓜粒，冰凍入味，好爽脆多汁，有淡淡的紅酒味，鮮甜美味，係開胃小食。酸辣湯，$32,熱辣辣，配料多，有木耳，豬肉絲，豆腐粒等，味道偏辣，好惹味。豆腐魚羮，$32,豆腐好嫩滑，湯清甜之餘有好濃烈的白胡椒味，會覺得愈飲愈辣，口感層次豐富，令人飲不停口。招牌菜，酸菜桂花魚，$328, 酸菜同辣椒的份量都好多，酸菜酸味夠，滲入魚肉同湯當中，味道中辣，桂花魚魚肉果然特別嫩滑，無咩⻣，鮮甜，切得薄片，魚香味濃郁。四川擔擔麵，$58,麵質煙韌彈牙，幼細入味，唔會太辣，花生味濃郁。餐廳仲會貼心地送上免費生果，新鮮爽甜，有菠蘿，士多啤梨等多款生果。