Marka House (Moved) New Location

朋友想同我撐枱腳，於是帶左我入屯門紅橋附近食午餐，餐廳以灰藍及黑色設計，望落沉實有格調，而前面是張大大的酒吧台，有多種紅白酒和礦泉水，店員安排我們坐低，睇過餐牌後，我要了份巴馬火腿班尼迪蛋配馬鈴薯蛋沙律，飲波蘿冰紅茶，朋友就要紐西蘭鱈魚車打芝士漢堡配薯條，同樣飲波蘿冰紅茶。波蘿冰很快便送上，飲落好清新，紅茶的味道唔會蓋過波蘿既味道，跟住過了不久，朋友的鱈魚車打芝士漢堡便放到我們的面前，芝士還在半溶的狀態下，加上沙律醬及厚身的炸鱈魚柳，賣相相當吸引，朋友切開小小鱈魚柳，一些熱蒸氣散發在空氣間，看見厚厚的鮮嫩魚肉，朋友吃了一口，說味道鮮甜，啖啖肉，唔似平時食到的普通魚柳，哩塊好新鮮，而個包食落仲好脆口，好味，薯條方面，有些香草碎伴隨係當中，望落唔會甘單調。到我的班尼迪蛋出場了，顏色鮮美吸引，輕輕切開，蛋汁巳爆出來，食落非常Juicy,蛋白嫩滑,配埋Parma ham、生菜及鬆餅底食，咸咸地又幾好味。沙律方面有薯仔同蛋混合埋沙律醬，薯仔咬落軟硬適中，而沙律份量雖然唔系好多，但配埋兩件班尼迪蛋食，食完都好飽了。埋單計每人都唔洗$90，都算經濟。