一生懸麵

Open Now

Now Closed

德寶商場嘅食店越開越多,依家連拉麵店都有,依間店裏面嘅座位唔多,只有十幾個位,好彩早一步到,坐低唔夠10分鐘之後已經有好幾個人係等緊位。除左拉麵之外依到仲有沾麵,男朋友叫左碗白湯豚骨拉麵而我就揀碗濃香櫻蝦沾麵。白湯豚骨拉麵嘅麵條比較幼,軟硬度亦適中,湯底亦非常之濃,有少少黏口嘅感覺。溏心蛋嘅流心效果吾錯,叉燒亦夠淋。沾麵嘅麵質可以選擇硬度,因為我唔鍾意食淋嘅拉麵,所以我就揀左較硬嘅麵,上枱後見到沾麵嘅櫻花蝦湯底充滿着櫻花蝦,但相反沾麵嘅湯底比白豚骨拉麵嘅湯底更加稀,掛麵效果唔太理想,但櫻花蝦嘅香味依然突出。麵條帶有少少煙韌口感,整體黎講如果湯底再杰一D就好啦。餃子味道一般並無特別,但係幸好唔會煎得太油。