The Hot Dog Submarine (Closed)

朋友喺西九龍中心5樓蘋果商場, 開咗間精品店叫做1312精品店。就係咁樣嗰一日我就去探佢班, 順便幫襯佢買啲嘢。行去精品店嘅時候, 一路行一路行, 發覺有一間好特別嘅熱狗店叫 Hotdog Submarine 嗰度賣嘅係一啲好有特色嘅熱狗, 係星加坡style嘅。我本來都想要一個熱狗試下, 但係實在好飽又食唔落, 於是我就買咗一啲小食食下。我買嘅就係 魚蛋配菠蘿蟹肉醬, 魚蛋有幾粒大大粒嘅, 嗰個菠蘿蟹肉醬係用真正蟹肉做, 食落又有菠蘿粒, 真係甜中帶辣油辣中帶甜, 咁樣配搭真係好特別又好味。