福岡漢堡扒 (鴻威大廈)

Open Now

Now Closed

呢一晚又同哥哥去咗旺角食晚飯，今次試新野，食咗呢間「福岡漢堡扒」，餐廳位於旺角花園街，對正煙廠街露天街市。餐廳入面右邊係一排單邊座位，左邊則大概有五張4人座位。裝修簡約舒適，每張枱上都設有小型吸煙器，吸去燒漢堡扒時的油煙，所以餐廳空氣能保持良好。牆上有圖片指示食漢堡扒方式，原來係以鐵板盛著生的漢堡扒，放有一塊圓形燒熱了的鐵塊，然後自己自行切出，利用鐵塊燒熟漢堡扒。店員亦會非常細心講解食法、技巧及時間的掌握，而且會定時為客人更新燒熱咗的鐵塊，服務十分周到。兩人套餐《芝士蛋蒜和牛漢堡》（中size / $359），套餐包有兩份漢堡，旁邊配有芝士蛋；另外再配有兩碗味噌湯、兩碗椰菜絲，及一大碗月見味噌牛丼。漢堡扒牛味濃及油脂豐富，而且份量十分足夠，邊燒邊食，好味又好玩。《月見味噌牛丼》都非常大碗，而且牛肉頗多，足足蓋滿飯碗，並配上生蛋拌勻，非常好味。跟餐選特飲只需加$18、烏龍茶只需加$5。整體而言，餐廳乾淨企理，食物品質頗高，加上店員都十分有禮又親切，整餐飯都覺得幾有趣，一次新鮮的體驗，大家值得一試。