孖寶冰室 (Closed)

經朋友介紹下得知奶茶好出色，熱愛奶茶嘅我點會放過尼！叫左一杯凍一杯熱奶茶，都好掂！一入口好滑有回甘，奶同茶比例好好，飲得出店主茶葉有經篩選，本人喜歡熱多過凍但凍飲同樣出色。奶醬多～用上厚多士，烘得金香鬆脆，好食得每一口都充滿罪惡感。瑞士汁五寶飯～雞翼炆得好入味，炒蛋夠滑金磚套餐~一個餐滿足曬所有願望，半份西多士，金黃鬆化，份量啱啱好，再配上炸雞比+薯條，炸雞比炸到好乾身卜卜脆，非常香口。