孖寶冰室 (Closed)

第一次在西環這一區食早晨，連凍飲收$41.00唔算平，但位於德輔道西係咁上下，叫咗沙嗲牛腸仔麵，火腿煎旦油多，凍檸茶，一般茶記水準，都是以街坊客為主，不能奢求太高，起碼只旦係即煎，好多快餐店茶記會煎定，好多時都要硬食凍旦，卡位多，坐得舒服，唯獨是碗面等咗十幾分鐘，有啲耐，不過都食得過，有機會會再幫趁。

今日一個人食飯，諗住求其搵間冰室食個快飯就算，行行下見到呢度有間，而且侍應阿姐好好笑口咁叫客入去，就一於一試！食物：入左去冇乜點再諗，見到是日午餐牌有梅菜扣肉，諗住茶記野一定冇死啦，估唔到奶左野，真係搞唔掂。首先飯唔夠熱；第二扣肉唔夠肥，太多骨；第三，個汁真係唔識形容，總之就係難食。💪💪雖然食物質素有代改善，但係都睇得出夥記好有心，不停向客人介紹有咩食，希望再次返黎嘅時候可以味道可以有進步啦！

尋日去食完肚痛.我坐係卡位一陣之後,個侍應姐姐一見到有個熟客坐係我側邊嗰張枱,就坐係我卡位對面張櫈烏低身同個客係咁傾,底褲都露埋出嚟.之後佢就坐係個客嗰張台,兩個都徐咗口罩係度係咁傾.我問個侍應姐姐係咪係度做,佢就即刻面黑,直至我走.

其實小弟喺中環返工不過有時都會lunch time坐車落西營盤搵食咁有一次同朋友求其搵間茶記食飯於是就衝左入去呢間孖寶冰室佢個午餐A係焗飯黎果次我第一次試個焗飯真係不得了炒飯底夠香，醬汁適量冇過火同埋個飯都焗得幾乾身塊扒既肉質都幾滑所以我俾好高分自此我每月都定期去食焗飯今次呢個焗豬扒飯都保持水準老老實實真係好食過出面d焗飯好多真心推介小店有時都會有驚喜

發現西營盤有極邪惡炸雞髀，炸雞髀仲要連埋個煎蛋意粉簡直就係冇得輸！唔試過真係走寶😋😋😋仲有非常清新嘅柚子西多士，不妨一試，原來兩樣嘢非常之夾👍🏻👍🏻👍🏻乾炒牛河夠晒鑊氣，完全係水準之上！飲炸脾當然唔少得配紅豆冰啦😍😍，老闆娘仲有私房炸焗薯角🤤🤤，呢間冰室真係可以再encore！👍🏻👍🏻👍🏻

一大清早原本想硬著頭皮想著去 西營盤附近茶記去試過早餐 就去下呢間冰室茶記 食下 啦點知入到去 ，服務員樣子帶著麻煩的樣子對著我又敷衍講 ok可以坐這邊， 我一坐下之前已 嚇不定叫 唔該要一個雞扒早餐x7~8次( 冇人理) 跟住一個短髮又肥嘅南圍裙嘅大嬸同我講 我會同你跟進，之後一大口問其他同事有冇落單，其他同事廚房一同講話冇！( 都唔知係咪因為自己鋪頭而唔憂做)之後個爛圍裙嘅又肥又短嘅大嬸對著我 再幫我落單 but口水還沒 但到我的手腕 我說給他聽他沒有同對我講對不起還對我說！(我講嘢~就係咁㗎啦)還有 我食到差不多完的時候再叫 一個短髮嘅著便服嘅服務員 女人 問他攞餐紙 佢對住我講話你都食到差唔多食完啦仲要咩餐紙！

舅父食咗西多士之外, 昨晚先eat過其他中餐。椒田雞田雞非常新鮮及嫩滑,這是跟雞肉所不同。其次是這名菜真的有點辣，用的調味料剛剛好，並不會給人很油膩的感覺。我覺得可以，畀個讚。即摘木瓜奶昔木瓜新鮮，加上他們獨有的奶昔非常好。亦唔太甜，嫲嫲最喜歡。

三寶黃金無得輸我放假首選餐廳都係孖寶，美式坑紋大大條薯條，炸脆卜卜🍟🍟🍟🍟金黃色🍟🍟又唔油膩😋😋🍟🍟食到唔停嘴，越食越好味大大碟食都唔夠喉。老闆我要keep fit不keep fat,但是每次路過你門口我就自然🏃‍♂️咗入嚟吃🤪🤪你係咪落了迷藥迷到我上了癮 ,由細到大我都係肥仔，所以我好怕油膩食物。不太愛吃油膩食物，點解你可以炸到🍟🍟一些油都無。老闆你咁高手可以搞拈我食你🍟🍟我8通街仔8哂全港9新界，你炸薯條🍟🍟無得輸no1。好食過垃圾大連鎖店9萬倍。老闆你咁好人應該係隔離開間只買薯條 大大隻雞脾🍗🍗 至好味西多士。 我幫你改埋名堂叫做（黃金三宝無得輸）。 請埋我幫手食（仔），幫手推介賣 ，成條街排哂隊🏃‍♂️🏃‍♀️🏃‍♀️🏃‍♂️🏃‍♂️搶住吃3寶。吃完之後 中三寶，中3T, 中3Q 。中埋頭獎黃金屋🍻🍺🍺🍺。

西環區茶餐廳多如恆河沙數 ，近來我發現了一間一個月內光顧了三次的茶餐廳。孖寶並非好似 …… 這一類較有規模的茶餐廳。 裝潢方面也不講究，同屋村內的茶餐廳差不多。 對於一般打工仔而言，相信大家會先考慮價錢，最好係快、靚、正很 孖寶早餐價位由 $25 - $38 下午茶亦相當貼心，由2:00開始價位由 $25 - $41 價錢相當經濟。 下午茶選擇不小，由最簡單的多士、三文治、麵食什至焗飯也有供應。 而令我最感興是原粒紅豆飛碟、炸薯條 配飲品 $32飛碟是即點即烘所以需要略為等候。 我的熱央先上, 茶色靚，茶和啡比較平均，茶味足，奶香順滑，岩我口味。 大約等了 8-9 分鐘左右,  我的 也上枱 飛碟烘得金黃,  非常吸引，千萬別急吃,   小心熨口。多士邊焦香，脆口，紅豆粒雖然有小許干身，甜度可以再調高小小就更正。炸坑紋薯條是茶記的必吃的香口野，孖寶的炸薯條不油，夠脆但大部份都得半條, 碎濕濕。  老闆落手落腳做， 對客人有禮貌，感覺到那份熱誠是連鎖店永遠欠缺的。 阿姐落單亦都好快手。 雖然食物未必盡如人意，但出於小市民心態，一定會繼續支持小店。 

政權易手一年多, 今日第一次光顧, 誠如忠實粉絲講, 老細平易近人, 老婆奄尖, 煩到嘔, 老細都冇詐型, 點了至愛揚物 - 炸雞髀, 阿姨問飲乜, 姑且試試奶茶吧, 但不寄厚望.奶茶先上, 原來超掂, 隔離金記執笠, 可能呢度係罪魁禍首. 到炸髀(唔係脾)上枱, 不得了, 賣相是此髀只應天上有, 仲靚過樓下食評嗰隻, 咬啖更不得了, 皮脆如玻璃, 一咬難忘可惜瞥見廚房佬一路炒一路叼著口煙, 有點反胃, 又同百壇齋主共饍, 興緻盎然. 期望下次知己相伴, 開懷暢飲, 不枉此生.

今日外出在西營盤工作。一早起床梳洗後，再乘車過來這裡。時間尚早及開始肚餓，我打算先吃早餐然後繼續工作。因為乘車過了車站，所以要沿行車路線行回目的地附近。經過很多店舖仍未營業，見「孖寶餐廳」就不用多想，決定入內光顧。餐廳的環境內觀及擺設比較陳舊。侍應服務態度有禮貎及友善，還主動地從枱旁邊把食具放在枱上給我使用。我點牛扒蛋公仔麵及熱奶茶。牛扒蛋有煎牛扒，煎雞蛋，生菜及公仔麵。牛扒是煎煮的及很細塊。肉質鬆軟略帶點韌，牛扒味道濃郁。雞蛋煎得有點過了火侯，偏硬。不過，一咬下去都有蛋黃流出來。公仔麵煮得剛剛好，軟硬度適中。湯底有濃郁的味道，用來送麵吃最好不過。熱奶茶，熱辣辣的。紅茶及奶茶比例不適中。奶茶味道不夠突出，味道比較淡。總括而言，牛扒蛋公仔麵的牛扒又薄片又細塊，份量太少。奶茶味道不夠濃。

本人於5月6日星期日下午3時30分左右，諗住去食個下午茶，依間冰室我都幫襯左好多次，都冇咩問題，係其中有位比較後生既樓面既態度語氣非常之差！當日我一位坐卡位，後來有三位入場，個位後生仔就用非常不友善既語氣同我講：「一個啊你？！坐個道！」佢用隻手指指住個位，好似命令咁要我坐過去！其實我一位，人地三位，讓位比佢地係非常合理，亦都非常應該，我都好樂意咁做！不過你咁既語氣就非常唔應該！之後我直接走！唔食！ 其實之前去咁多次，呢個後生仔，放嘢食喺枱面嘅時候，都係就咁大大力放上去，我都算，但今次真係唔會接受！順帶一提，另外有位年紀比較大嘅樓面就非常之好態度亦都好有禮貌， 只係呢個位後生仔累事！

吉烈炸物係兒時最愛食品😘但係炸野一定要即時食，過左氣就一啲都唔好食，呢個炸魚多士有番茄有沙律醬剛剛好，好有以前懷舊風味鍾意食吉列嘅你快啲嚟試吓都係＄35仲有嘢飲加兩蚊仲可以飲紅豆冰。

早上跟朋友路過西環，見到一家新開的茶餐廳，就進去試試，這孖寶冰室新開關係，裝修很乾淨企利，11點左右去到坐下，就叫了個兩餸湯麵，沙爹牛肉煙肉公仔麵，飲熱奶茶很快不一會熱奶茶就送上來，奶茶顏色漂亮，茶味較濃厚，奶香味較淡，加了包糖味道還可以，算合格的一杯奶茶茶餐廳來說，這麵賣相算美觀，沙爹牛肉的的沙爹汁偏甜，牛肉有點老，甜味比沙爹味重，如果沙爹減點甜會好一點，煙肉味較淡，煎得較老，不過還可以，那片葉反而廷新鮮爽脆，麵質偏軟，個人偏好硬一點，湯底反而不錯，清淡有味，都喝光了價錢算合理早餐價，下次會再來

從來冇想過茶餐廳有卡邦尼意粉食仲係＄50就食到高級水準卡邦尼意粉，睇得出小店好用心去經營店主都好細心問我好唔好食我加左兩蚊試埋杯椰香紅豆冰估唔到食返出以前珍多冰個感覺但係變咗珍多紅豆好有懷舊感好想呢啲小店可以生存落去過開黎我會繼續支持你地要加油呀！因為而家全部都係大公司集團式小店真係好難生存對於我哋呢啲食客當然係要平靚正個人好希望可以有不同的小店可以生存落去有好食嘅再同大家分享唔使淨係大xx唔使淨係大??