粵廚點心專門店‧椰子雞煲專賣店

Open Now

Now Closed

嗰晚收工後接埋男朋友仔一齊去佐敦裕華買月餅，點知我想買嗰款雲腿月餅已經賣曬，咁就唯有遲啲再去睇吓仲有冇嚟貨啦。我地繼續往旺角方向行，點知行到半路落勁大雨，見到對面街有間點心專門店，於是乎我地就拿拿聲入去食嘢，順便避吓雨啦！呢度啲點心都幾大路，有蝦餃燒賣，仲有鵪鶉蛋燒賣。咁我地點咗菜乾豬骨粥、鵪鶉蛋燒賣、鯪魚肉釀茄子、鮮蝦腸粉等。唯一想講嘅係菜乾豬骨粥唔夠熱，腸粉嘅粉皮太厚，而且我食落有些少苦味，最後俾我放棄咗。其他食物就不過不失，以呢個價錢嚟講，已經算係抵食。順帶一提，全日免收加一，茶錢就五蚊位。