玉庭 (Closed)

事緣男友想食旺角帝京軒，但BOOK唔到。所以就BOOK左屋企附近既同一集團既玉庭。可能疫情既關係，就算星期日都冇乜人。 唔知大家有冇留意，呢間酒樓既茶壺較小，好似一人份量咁，好快就要加水。雖然冇乜人，但上菜都要等15分鐘左右，可能即立即整，所以啲食物都保持到好既温度服務態度唔錯，叫甜品個陣，個侍應仲問係咪有個叉燒酥未到。 估唔到我哋未催，佢已經咁上心幫我哋追單整體用餐體驗不錯，我哋要人叫左4碟點心加一個麵，大概 $5XX～唔算貴。 混醬車仔白腸粉男友媽媽揀既點心，估唔到一碟平平無奇的白腸粉，口感非常滑溜同軟糯。我特別鍾意佢個豉油，配埋酒樓既辣椒醬，非常好味，至於個甜醬同麻醬就普普通通。非常驚喜既一個點心蟹籽黑毛豬燒賣皇個蝦大大粒，幾新鮮。豬肉冇乜肥肉，我幾鍾意。外觀都幾精美，不過夾起上黎啲皮好黐。 可以一叫  ！黑鑽松露野菌炆伊麵聞同食落去都好有松露味，配埋酒樓既辣椒醬就好惹味啦。抺茶香芒卷呢個真係好失望！糯米皮同抺茶粉唔夾，裏面個舊黃色布甸隻味好似楊枝甘露，芒果就普通，食落去不倫不類。