名點屋

Open Now

Now Closed

疫情時候好多酒樓都唔開, 所以好耐無去過飲茶喇, 今日同屋企人去 ❥⧽名點屋 ❥⧽ 飲茶。餐廳有一部分係卡座位, 另一部分係普通座位, 坐嘅位置都偏狹窄。𓊈咖喱魷魚𓊉咖喱汁超級香濃, 魷魚好入味, 唔會咖哩汁還咖哩汁, 而且魷魚好軟腍, 真心推薦!𓊈蟹籽燒賣王𓊉燒賣大大粒, 爽口彈牙, 食到有蝦肉。𓊈酥皮叉燒包𓊉酥皮叉燒包好好食呀! 外皮好酥脆, 而個包好軟熟, 加埋裡面d 肥瘦適中嘅叉燒一齊食, 真係好好食!𓊈鮮蝦腐皮卷𓊉腐皮卷炸得麻麻地, 外皮嘅粉有d 厚而且唔脆, 餡料太碎, 混合咗太多配料反而無乜蝦肉。𓊈沙律炸雲吞𓊉同傳統嘅炸雲吞有少少唔同, 面層舖滿好澎湃嘅鮮果沙律, 而炸雲吞卜卜脆, 熱辣辣咁食係好食嘅。✧✧ 整體食物都幾好呀, 值得再去。