美味廚 (Closed)

我由細到大一向都好討厭食菜飯，覺得煮到又腍又濕又爛 ﹗直至遇上美味廚，朋友大力推介。之後我唯一會食既菜飯就係依度喇 ﹗飯粒質感乾爽，味道香甜可口，又嚥嚥靭靭，真係好好味 ﹗舖位細，枱櫈又細又放得密麻麻，想放多碟送都唔得，坐得唔多舒服。只因為食物質數高，我先會無所謂乍。人參杞子烏雞湯，非常甘甜既人參味，濃郁可口，最愛飲雞湯、最愛飲燉湯，double happiness ﹗好好飲 ﹗紅燒大排翅，不過不失啦，高湯美味，顏色晶瑩有光澤，超值。排骨菜飯，排骨炸得鬆化，味道香甜，肉質軟棉，好好味 ﹗必食招牌菜 ﹗唯一一間會讚既上海排骨。到菜飯喇，暫時係我唯一會食、又會讚既菜飯，無其他可媲美。飯味柏濃、乾爽、飽滿、香甜，真係非常好食 ﹗ 薰魚菜飯配紅燒汁，見到每枱食客都只係食排骨，我幫襯過三四次，每次都係排骨，所以真係好奇地想試試薰魚係咩味呢 ﹗試完發覺，都係食排骨算喇。薰魚有點放涼了，有點凍，仍帶點鮮魚味，有肉汁，還可以啦。骨不算多，啖啖肉。味道帶微微煙薰香味，肉質外層香而裡面滑，最衰係唔熱囉 ﹗紅燒汁偏甜，有點膩。菜飯唔洗多講啦，好味，正 ﹗ 紅燒童子雞，即叫即炸，好香呀 ﹗皮脆肉嫩，非常鮮嫩多