Video
Read full review
2021-09-20
2555 views
老婆話今日幫咗佢拎晒成喼帳薄返公司，晏晝餐飯就佢請，小弟當然欣然接受，不過，餐廳都喺等番佢揀，佢就揀咗「從心素食」，因為佢想我試試呢度嘅「片皮鴨」，佢之前同朋友試過，覺得非常有特色。 地鋪有外賣專櫃，而堂座就設晌樓上，上到去，裝修簡約，一室中菜小館嘅格局，光猛企理，最好喺啲枱櫈唔會排到密麻麻，而且，又無滿天神佛咁，加上當時人客唔多，客人亦比較斯文，所以，感覺寧靜、舒服。遇着初一齋期，無晒啲午市套餐，餐牌只有兩個，一個喺「廚師精選、時令推介」，另一個喺2、4、6人嘅「精選套餐」，本來想揀精選套餐，但老婆話兩人份嘅份量都多，佢怕食唔晒，所以，最後都改為散點。 順帶提一提，茶錢$10位，啱啱坐晌近沖茶位，睇得見有普洱、鐵觀音、香片及較少會晌呢類型餐廳會出現嘅蕎麥。所有茶葉都喺以獨立茶袋裝好，所以，沖茶唔會沖到啲茶葉出嚟。 招牌蜜汁叉燒配片皮鴨（跟掛包6件） $118老婆今日指明要叫俾我試，喺佢嘅真心推介，老實講，兩個人食確喺有點多，最好就喺3個人試，因為附送嘅掛包有6件。啲蜜汁叉燒真喺好似樣，而啲片皮鴨外觀比較黑，當然要加少少幻想當佢喺片皮鴨啦，不過，兩者份量都幾多，堆滿一大碟。先淨食啲叉燒
地鋪有外賣專櫃，而堂座就設晌樓上，上到去，裝修簡約，一室中菜小館嘅格局，光猛企理，最好喺啲枱櫈唔會排到密麻麻，而且，又無滿天神佛咁，加上當時人客唔多，客人亦比較斯文，所以，感覺寧靜、舒服。
遇着初一齋期，無晒啲午市套餐，餐牌只有兩個，一個喺「廚師精選、時令推介」，另一個喺2、4、6人嘅「精選套餐」，本來想揀精選套餐，但老婆話兩人份嘅份量都多，佢怕食唔晒，所以，最後都改為散點。
順帶提一提，茶錢$10位，啱啱坐晌近沖茶位，睇得見有普洱、鐵觀音、香片及較少會晌呢類型餐廳會出現嘅蕎麥。所有茶葉都喺以獨立茶袋裝好，所以，沖茶唔會沖到啲茶葉出嚟。
招牌蜜汁叉燒配片皮鴨（跟掛包6件） $118老婆今日指明要叫俾我試，喺佢嘅真心推介，老實講，兩個人食確喺有點多，最好就喺3個人試，因為附送嘅掛包有6件。啲蜜汁叉燒真喺好似樣，而啲片皮鴨外觀比較黑，當然要加少少幻想當佢喺片皮鴨啦，不過，兩者份量都幾多，堆滿一大碟。
招牌蜜汁叉燒配片皮鴨（跟掛包6件）
$118
27 views
0 likes
0 comments
之後，再試吓一片掛包夾住叉燒，一片掛包夾住片皮鴨，再一片掛包夾住叉燒加片皮鴨，由於啲掛包熱辣辣、軟綿綿，再搽上甜醬，點配都好食。食完4個掛包（老婆話食兩個已好夠）就好似食咗4個漢堡咁。
沙嗲羊肉串配木綿豆腐 $52而呢一份羊肉串就喺小弟想試嘅，一客3串，今日啲菜式其實最好喺3個人嚟食。
羊肉以大豆做，當然無羶味，但樣貌跟口感都幾似樣，食落有種肉嘅韌勁，有咬口，沙嗲醬亦做得出色，非常有花生香。
而木綿豆腐外貌似豆卜，但咬落裡面嘅密度都喺高嘅，軟滑而富豆香，唔錯！唔錯！
雖然，今次只喺叫兩樣嘢，但因為份量唔少，都食得好夠飽。小弟都幾鍾意呢度嘅寧寧靜靜，不過，全場十幾張枱，但只得兩知侍應，又要應付上層堂食客，又要應付樓下外賣客，早段人少都勉勉強強，但中段開始人多就明顯人手不足了。
Post
