日本野 (Closed)

尋晚同兩個朋友食日本野遇到超多問題 我自問已經唔係一個對野食特別腌尖嘅人 但係今餐真係好唔滿意 點解會有咁多人覺得好食？首先我地叫左個炭燒牛舌串 食落完全無「炭燒」嘅感覺 都算 啲肉又唔熱又韌 完全唔值$64我自己叫叫左個溫泉蛋和風燒牛肉丼配餐湯 $198 一定好好食啦 唔係 個牛肉依舊同上面講嘅一樣又唔熱又韌 個蛋我食食下食到蛋殼 個餐湯suppose係味增湯 我連味精都飲唔到 我懷疑我飲緊暖油水我朋友嗌左個自選丼飯（三文魚、甜蝦、海膽、玻璃蝦）餐配沙律 沙律無味 個飯嘅魚生有雪味 海膽有腥味餐廳唔應該咁嘅質素，茶餐廳都好食過呢間稱自己為日本野嘅日本餐廳，影衰日本嘢