御前上茶 (Closed)

夜晚同朋友喺YOHO MALL揾甜品食，經商場管理員介紹下黎到呢間御前上茶。最初打算叫霜淇淋抹茶鬆餅，點之可能太夜黎，Waiter話已經無哂茶鬆餅之後就決定叫左個御前綜合聖代。舖頭環境唔錯，雖然舖位唔算大，但又唔會覺得啲位好迫，另外衛生方面良好落單後同朋友吹水，吹吹下發現時間過得好快，但係野食仲未黎，好在Waiter主動埋黎跟下單，如果唔係有排都未有得食講返野食，聖代由長杯裝著，由底部起依次裝著抹茶凍、紅豆、豆腐、甜脆麥以及頂層既抹茶雪糕同兩粒白玉。雪糕同茶凍好重抹茶味，有點苦澀，兩者之間既甜脆麥和紅豆就十分香甜。苦同甜既強烈對比令到佢變成聖代佳品食完埋單，我同朋友都好大頭蝦，無拎到埋位時擺低左喺地下既紙袋⋯⋯有位Waiter小姐發現其中一袋，拎起後即刻上前雙手遞袋野俾我地！雖然好少事，但係見到呢個情境，feel 到佢既真誠同禮貌，令我感到有啲感動總括黎講，呢間御前上茶無論喺聖代環境同服務方面都十分唔錯價錢上，喺呢間商場黎講，已算抵食。有機會一定再黎！