御前上茶 (Closed)

喺元朗同客拜年，完成工作之後，就搵地方食lunch，行過呢個商場見到呢間餐廳畀花膠吸引，坐低叫咗一個花膠碗仔翅，碗仔翅大家食得多，奢華版但平民價，餡料豐富加上大量冬菇同巨型花膠，口感層次豐富，非常好嘅咀嚼感，再加多一碗雞髀，炸蝦卷同花膠金邊粉麻辣湯，好香花椒味道，原隻已經切好嘅雞皮，有燒烤香味，炸蝦卷加入左馬蹄，帶一啲爽口，重點又有一隻巨型花膠，呢一餐好豐富嘅骨膠原，食完有粘嘴嘅感覺，加多一碟油菜份量啱啱好

早兩日去左御前上茶食晚餐，叫左汁煮豬軟骨飯，一杯奶茶同咖啡！個飯幾好味，豬軟骨幾淋，加上有汁，更加入味，而且中間既軟骨夠淋，加上豬肉軟硬度適中，所以，整體上，個飯係幾高水準，係反而d食煮淋左，加上有汁係飯到，所以更淋，所以白飯方面需改善一下！

下午五點幾，有點想食甜品係商場無咩選擇，見到台灣人開的良心集團，賣日本味道的食物。我就選了個雪糕食！小丸子，紅豆都整得好好食！所有種類的食物在。但用原來食甜品，都要加一，有點神奇。

呢間餐廳我一直以為無晚餐主食，得抹茶同甜品，但咁岩經過見到原來都有唔少主食款式。晚上yoho呢間御前都唔算多人，環境尚算寧靜，我地兩人叫左一個吞拿魚腩蓉茶漬飯，鰻魚飯，炸雞，同當然唔少得抹茶甜品，仲有一杯抹茶。整體味道不錯，價錢合理。茶漬飯比較濃味，但再配淡淡既湯係幾好既配搭。鰻魚飯唔會有d細骨，我最怕有d骨仔，個醬汁都唔錯。炸雞個炸槳就有d太厚，但炸完後d雞肉都幾香同肉質滑，雪糕就好香濃滑既抹茶味道。

係元朗形點有一間日式小店係我私心最愛，加上近我屋企，好多時候諗唔到食咩就多數幫襯佢地～🍱咖哩吉列豬扒飯$76咖哩係比較傳統、用左比較多蔬果整嘅嘅日式咖哩，味道上偏甜，好岩小朋友既口味，吉列豬扒唔會炸到好乾好鞋，咬開既時候仲有汁標出來，當然食材所限味道唔會驚為天人，但整體合格有餘。🍦綜合新地$62呢個又係我既指定甜品，平時食完飯諗唔到食咩甜品都會黎整返杯～抺茶雪糕+生茶啫喱，身為抺茶控實在無法抗拒。

一家主打日式食品及甜品的餐廳，另有多款雪糕球、抹茶或豆乳軟雪糕選擇。軟雪糕及雪糕球已吃過數次，唯獨主食還未試過，剛巧看完一齣戲便走過來試試!在下午茶時段人流不算多，店員沒有刻意帶位並讓我們選擇喜歡位置。下午茶的餐牌選擇幾多，有牛肉、豬肉、雞肉、蝦、蟹肉和玉子卷等。蟹膏蟹肉親子茶漬飯 $48蟹膏有一小匙份量放在碗邊，味道較濃，續少續少的與其他配料及飯一起吃，味道不錯。按個人喜好在須要時再加入茶調較濕潤口感，味道同樣不錯。玉子和風牛肉稻庭烏冬 $48有半隻蛋，牛肉的份量也不少，整體味道適中。抺茶拿鐵豆腐飲 $22抺茶香味不錯，口感綿綿又涼快，有豆腐更飽肚。熱宇治抹茶紅豆拿鐵 $22店員送上一杯高身飲品，與抺茶拿鐵豆腐飲的一杯好像一模一樣，一問之下原來是凍的抹茶紅豆拿鐵，店員立刻說會換過一杯，因為下單是熱飲。我在想，多出的飲品會怎樣處理? 幸好他們的服務幾好，新的一杯熱飲之後送上。賣相不俗，抹茶溫度微暖，有一層奶泡在表面厚厚的蓋在宇治抹茶上，拌勻後試試紅豆，紅豆軟綿好味! 凍飲份量比熱飲更多，看似比熱飲更抵飲!今次試了鹹點，望着餐牌的甜點選擇很開心，改日要再試!

如何可以食甜品食到d仙氣都出晒黎？原來元朗開左「御前上茶」梗係要去食甜品啦！招牌甜品御前雙色盛合，以竹盤盛着抹茶雪糕、白玉丸子和紅豆等，上桌時還加乾冰飄出寒煙，賣相極佳！

平時黎呢度食野都要等佢整起碼十分鐘先有野食，今日我叫呢個飯就真係唔駛兩分鐘就有得食。嘻嘻😜！我叫左三文魚子茶漬飯！我叫左少飯，不過最後都食唔晒。都多三文魚子呀，加埋紫菜，芝麻，真係好好味。我已經不是第一次叫茶漬飯，但我從來沒有試過就甘飲茶壺裏的茶。今日我食完飯後見仲有茶就倒左出黎飲，原來不是茶來的！係好似木魚湯，鹹鹹地，非常好味的！我最後飲晒茶壺裡的茶。

本來打算一個人係yoho 求其食，叫左個蟹肉烏冬，3分鐘都唔洗烏冬就到啦。。。第一口的蟹肉係凍同腥既，好難食，都算啦，點知食食下咬到舊硬物。。。點知一睇係一舊半透明又白白地既唔知咩野，似塑膠又似雞眼。嘔！即刻吐返出黎。本來諗住black list 呢間野算，諗左陣才決定同店員講。。。。。點知店員只答一句：我都唔知係咩黎一句抱歉都冇，又唔會問下廚房。不過諗深一層，我都唔想知係咩黎。嘔。好嬲，點解可以差成咁。

很久沒吃過一碟，這麼不像樣的咖喱吉列炸豬扒飯先說飯，似是未煮熟的，質感硬，像「生冷降」一樣，也不熱，原本想吃下去，不想浪費，但，真的吃不下，只吃了數啖便放棄吉列炸豬扒同樣令人失望，看到外皮的質地和色澤，心想又中伏，外皮的顏色已令我搖頭，皮下那層的油膩，更令我滿嘴都是，故只吃了一口也不會吃下去反映意見給當時的女侍應，飯硬像不熟的，最主要說飯的質素，兩位女侍應有點不知如何，那更不用說會懂致歉，當時又沒有主管在，沒有人懂解難拆彈，烏呼、哀哉😞！我即時結帳，心情很不爽😡😡😡，皆因辛苦賺的錢，就這樣浪費了$84($76+$7.6)當時兩位女侍應沒有殷勤的服務，只會雞啄唔斷的聊天，給人懶散的感覺

我真係好鍾意來這裡吃午餐，我仲未試過全部的食物啊！所以，今次我要試新野，我叫了一個咖哩忌廉蟹肉薯餅飯和柚子抹茶。咖哩忌廉蟹肉薯餅飯等了一陣才上，有三件薯餅，熱辣辣，我一不小心就被薯餅裏的忌廉燙傷了！裏面的忌廉真的好多，蟹肉就唔係好多了，不過配埋咖哩汁就好好味。最重要係咖哩汁不算辣，啱我。不過太多飯了，真的吃不下 。柚子抹茶我已經叫過多次，但今次忘記叫少甜，結果甜到不得了，真的飲不到，唯有不攪拌，只飲上面的抹茶了。

看完早場，時候剛好吃午餐，於是就去了這裹。我今次想試下午餐，平時星期六日應該無的，難得今次係平日。午餐價錢不太貴，五十幾蚊有飯有野飲，仲有小食。我選了呑拿魚茸茶漬飯，煎餃子和綠茶。我不是第一次食茶漬飯，但今次仍然覺得好大碗，真係食唔晒。最喜歡加茶後飯很暖，又有紫菜碎，炸米，芝麻等，好好食。呑拿魚茸一大舊，都幾好食，如果多些就好了，事關我無食曬全部飯先夠食咋。炸餃子比較遲才上，味道普通啦，不能要求太多。饀不太多，有兩隻，跟餐算係甘。綠茶夠熱，都幾舒服。

店員說一套做事卻又是另一套，不願承認錯誤，事實是女店員自己理解錯誤，卻又不肯承擔責任，只在不停跟雇客大聲理論，簡單的一聲道歉也不願開口說！致於食物質素日式咖哩超咸，拉麵湯底沒味道，炸物乾涸味淡，不會再有下一次幫襯！

大阪，我好掛住你呀～就食下章魚小丸子，頂住先⋯⋯但少少伏左，不過甜品都還可以吧。大阪屋台炒麵：炒麵都可以。但個章魚小丸子一啲都唔好食，係唔鬆軟，仲要係硬硬地，粒丸係平底既⋯⋯失望～綠茶戚風綜合霜淇淋：雪糕奶味十足，紅豆都夠甜，白玉好煙韌，綠茶啫喱綠茶味夠濃，戚風蛋糕鬆軟度還可以。

今天晚飯後，和朋友一起到元朗形點御前上茶吃甜品。朋友點了一個豆腐布丁配雪糕，我點了一個抹茶戚風綜合配雪糕。豆腐布丁香滑，豆味濃郁，雪糕是牛奶味的，香滑好吃！而戚風蛋糕是抹茶味，共有三件，軟綿綿的，配上抹茶雪糕十分美味。綜合雪糕配有紅豆蓉丶白玉，甜度適中，值得一試！