Video
Read full review
2017-04-24
856 views
週日去到元朗劇院，聽講係貨櫃屋展覽嘅最後一日擺設。離開嘅時候落住微微細雨，浴途見到呢間幾日本風嘅小店，睇番店家fb先知係開左冇幾耐嘅新店。店名小確幸表達店主希望用心製作嘅甜品可以帶俾客人微小而確實嘅幸福。店內裝潢花過心思，以貓頭鷹為招牌，所以都會喺唔同角落見到貓頭鷹嘅蹤影。店面展示幾款產品嘅用料，總之話俾你聽係用緊好野店內位置唔多，空間有限，但都擺放左一張小枱、三張高凳可供客人即場食用甜品。近門口位置會見到呢棵樹裝飾，有一段時間人流較多，我地坐喺樹前嘅小枱，就感覺有啲壓逼。店內設有自家廚房，甜品每日人手新鮮製作。見我地喺門口望下望下，店主都好主動、熱情向我地介紹產品，所以我地食完午餐後，特意冒雨番去光顧。小店暫時只係供應布丁燒、布丁兩款甜品，定價中上，不過考慮到有個位坐下，都係可以接受 (笑)。布丁燒有三款口味，定價 $38。【四葉芝士布丁燒】選用天然四葉芝士，奶味香濃；【法芙娜朱古力布丁燒】選用法國品牌嘅朱古力，聽店員講濃度5.5，相信容易入口；【抹茶布丁燒】選用丸久小山園若竹級別嘅抹茶粉。布丁六款口味，有牛奶、芒果、紫薯、綠茶，定價 $25，榴槤同焙茶則定價 $28。新店優惠，讚好
離開嘅時候落住微微細雨，浴途見到呢間幾日本風嘅小店，睇番店家fb先知係開左冇幾耐嘅新店。
店名小確幸表達店主希望用心製作嘅甜品可以帶俾客人微小而確實嘅幸福。
店內裝潢花過心思，以貓頭鷹為招牌，所以都會喺唔同角落見到貓頭鷹嘅蹤影。店面展示幾款產品嘅用料，總之話俾你聽係用緊好野
店內位置唔多，空間有限，但都擺放左一張小枱、三張高凳可供客人即場食用甜品。近門口位置會見到呢棵樹裝飾，有一段時間人流較多，我地坐喺樹前嘅小枱，就感覺有啲壓逼。
店內設有自家廚房，甜品每日人手新鮮製作。
見我地喺門口望下望下，店主都好主動、熱情向我地介紹產品，所以我地食完午餐後，特意冒雨番去光顧。
小店暫時只係供應布丁燒、布丁兩款甜品，定價中上，不過考慮到有個位坐下，都係可以接受 (笑)。布丁燒有三款口味，定價 $38。【四葉芝士布丁燒】選用天然四葉芝士，奶味香濃；【法芙娜朱古力布丁燒】選用法國品牌嘅朱古力，聽店員講濃度5.5，相信容易入口；【抹茶布丁燒】選用丸久小山園若竹級別嘅抹茶粉。
布丁六款口味，有牛奶、芒果、紫薯、綠茶，定價 $25，榴槤同焙茶則定價 $28。新店優惠，讚好店家fb即時減兩蚊，即like。
抹茶布丁燒 $38店員好快手將個布丁燒反轉放喺紙碟上，ooooomg…我未相機食先，話哂都有個咁可愛嘅燙印，點可以唔留影？
好在店員俾個新嘅我，等我快手影兩張相。
抹茶布丁燒
$38
62 views
0 likes
0 comments
倒轉左就係下圖咁樣：
抹茶布丁燒
$38
40 views
1 likes
0 comments
布丁燒睇落層次分明，呢種抹茶粉嘅味道唔算強烈，單獨食都會有淡淡嘅抹茶味，未至於回甘，但不帶苦澀。
布丁滑溜，質地挺身，由於混合抹茶，蛋香稍有不足，有待加強，聽到有客人食四葉芝士味道，都有此意見。
底層嘅芝士蛋糕軟綿，芝味濃郁，焦糖漿甜度適中，難怪三層一齊食的話，食落以芝士味為主。
整體黎講，都係不錯吃，size比較細，只能淺嚐，想食多件都有點不捨，有機會再黎試其他味道。
焙茶布丁 $28布丁以玻璃樽仔裝住，揀左最近好喜歡嘅焙茶味道，食落有焙茶味，但個人認為甜度稍高，感覺後來茶味被蓋過了。
布丁質感exactly係布丁燒嘅中間層，較挺身，接近係奶凍。
焙茶布丁
$28
50 views
0 likes
0 comments
環保啲嘅話，記得帶走樽仔重用！
店員都有提醒話下次惠顧帶埋樽仔會減兩蚊，不過我唔係街坊，好難話專登帶住個樽仔喺身，所以都係留番黎放香薰蠟燭算。
焙茶布丁
$28
32 views
0 likes
0 comments
焙茶布丁
$28
37 views
0 likes
0 comments
見小店fb貼文遲一步將會供應熱咖啡，配合布丁燒，相信味道更好，可以期待。
Post
