Video
Read full review
2024-10-16
494 views
太古城有兩間台灣麵店知道銷魂麵舖新開，而又有我今晚想食嘅牛筋所以即管試吓！.主要分咗麻辣同清湯口味，最低消費每人一個套餐，用QR code落單，堂食需要另外加一.兩個人一個要咗麻辣味三拼（$118），有牛肉、牛筋、牛腱，另一個要咗清燉牛肉牛筋（$108），兩個套餐都會配一個微辣嘅拌麵，同埋一個小食，小食可以揀豆皮，豆腐或者鴨血，我哋再另外再升級咗加$29多個小食同飲品，要咗麻辣魚蛋同埋一杯無糖白桃茶。.落咗單都好快就送到，本身個面侍應都講咗會係微辣嘅，但我冇諗過佢微辣之中都幾辣㗎！！！麻辣湯底係超級麻！！如果食唔慣辣嘅人都真係幾頂唔順呢！就算我自己係鍾意食辣，我都會較為喜歡清燉湯配一個微辣嘅麵就覺得已經足夠呢！.一上枱侍應講解返應該點樣食佢哋呢一個麵，佢哋建議分開食麵同飲個湯，之後亦都可以再加湯，啲肉嗰啲亦都可以點佢一個醬去食，不過我覺得整體都好夠味了幾鍾意佢個牛筋，炆得夠腍！麻辣湯底幾辣，食唔到辣嘅人要三思😂😂男朋友食到出晒汗🥶🥶麻辣魚蛋，下次就唔會專登加錢叫啦，魚蛋質地十分普通，淨係好辣好辣😂😂😂最欣賞係佢個面個質地好彈牙，好有咬口唔會好腍，另外溏心蛋都好食，個面底係有少少辣佢有啲
知道銷魂麵舖新開，而又有我今晚想食嘅牛筋所以即管試吓！
.
主要分咗麻辣同清湯口味，最低消費每人一個套餐，用QR code落單，堂食需要另外加一
.
兩個人一個要咗麻辣味三拼（$118），有牛肉、牛筋、牛腱，另一個要咗清燉牛肉牛筋（$108），兩個套餐都會配一個微辣嘅拌麵，同埋一個小食，小食可以揀豆皮，豆腐或者鴨血，我哋再另外再升級咗加$29多個小食同飲品，要咗麻辣魚蛋同埋一杯無糖白桃茶。
.
落咗單都好快就送到，本身個面侍應都講咗會係微辣嘅，但我冇諗過佢微辣之中都幾辣㗎！！！麻辣湯底係超級麻！！如果食唔慣辣嘅人都真係幾頂唔順呢！就算我自己係鍾意食辣，我都會較為喜歡清燉湯配一個微辣嘅麵就覺得已經足夠呢！
.
一上枱侍應講解返應該點樣食佢哋呢一個麵，佢哋建議分開食麵同飲個湯，之後亦都可以再加湯，啲肉嗰啲亦都可以點佢一個醬去食，不過我覺得整體都好夠味了
幾鍾意佢個牛筋，炆得夠腍！
麻辣湯底幾辣，食唔到辣嘅人要三思😂😂男朋友食到出晒汗🥶🥶麻辣魚蛋，下次就唔會專登加錢叫啦，魚蛋質地十分普通，淨係好辣好辣😂😂😂
最欣賞係佢個面個質地好彈牙，好有咬口唔會好腍，另外溏心蛋都好食，個面底係有少少辣佢有啲乾蔥喺入面，如果唔鍾意食辣嘅人都可以落單嘅時候揀走辣，我諗下次如果我想食嘅原因都會因為掛住佢面嘅質地🤭🤭
Post
