Video
Read full review
2018-07-24
1069 views
有日忽然想食德國野，就行到入商場既德國餐廳，一掀開餐牌就，香港地食餐飯都真係唔平啊！好彩，突然醒起屯門有DAS BIER，叫做價錢貼地少少既德國菜，咁就行過去睇下，竟然見到門口有個兩人餐餐牌~只要8點半後入座，價錢就係$360，需另加一。先黎兩杯德國啤酒，我唔係好識品評，因為我唔好酒的，不過因為夠凍，飲落唔太苦。之前就上左一份墨西哥脆片，配辣蕃茄醬。個脆片唔係就咁係薯片袋倒出黎架，有炸過，不過略嫌油左少少，如果有用紙巾索一索油會好食啲。冇耐就上左德國腸拼盆，不得不讚有芝士嗰條腸勁好食入面有流心芝士超juicy，咬落先知有芝士，超驚喜其他腸都好有水準，條條都多汁，唔會煎到乾哂。重頭戲黎啦～大大隻咸豬手，由於炸過，表皮好脆，而豬手係煎好左，但並無偷工減料，肉質彈牙，食落陣陣咸香，食膩左食返少少酸菜，又可以再戰伴碟既薯仔沙律都好好食。不過呢個二人餐太大份，兩個人係絕對食唔哂建議大家可以自備外賣盒打包
先黎兩杯德國啤酒，我唔係好識品評，因為我唔好酒的，不過因為夠凍，飲落唔太苦。
之前就上左一份墨西哥脆片，配辣蕃茄醬。個脆片唔係就咁係薯片袋倒出黎架，有炸過，不過略嫌油左少少，如果有用紙巾索一索油會好食啲。
冇耐就上左德國腸拼盆，不得不讚有芝士嗰條腸勁好食入面有流心芝士超juicy，咬落先知有芝士，超驚喜其他腸都好有水準，條條都多汁，唔會煎到乾哂。
重頭戲黎啦～大大隻咸豬手，由於炸過，表皮好脆，而豬手係煎好左，但並無偷工減料，肉質彈牙，食落陣陣咸香，食膩左食返少少酸菜，又可以再戰伴碟既薯仔沙律都好好食。
不過呢個二人餐太大份，兩個人係絕對食唔哂建議大家可以自備外賣盒打包
Post
