德國餐廳 (Moved) New Location

位處新墟大排檔附近，店舖不大，有幾張枱，感覺像一般清吧。黎到當然唔可以錯過德國咸豬手，塊皮好脆，而豬手肉亦係帶有濃濃既午餐肉味，好香濃，味道唔錯。配上旁邊既酸菜消下滯，更開胃。

有日忽然想食德國野，就行到入商場既德國餐廳，一掀開餐牌就，香港地食餐飯都真係唔平啊！好彩，突然醒起屯門有DAS BIER，叫做價錢貼地少少既德國菜，咁就行過去睇下，竟然見到門口有個兩人餐餐牌~只要8點半後入座，價錢就係$360，需另加一。先黎兩杯德國啤酒，我唔係好識品評，因為我唔好酒的，不過因為夠凍，飲落唔太苦。之前就上左一份墨西哥脆片，配辣蕃茄醬。個脆片唔係就咁係薯片袋倒出黎架，有炸過，不過略嫌油左少少，如果有用紙巾索一索油會好食啲。冇耐就上左德國腸拼盆，不得不讚有芝士嗰條腸勁好食入面有流心芝士超juicy，咬落先知有芝士，超驚喜其他腸都好有水準，條條都多汁，唔會煎到乾哂。重頭戲黎啦～大大隻咸豬手，由於炸過，表皮好脆，而豬手係煎好左，但並無偷工減料，肉質彈牙，食落陣陣咸香，食膩左食返少少酸菜，又可以再戰伴碟既薯仔沙律都好好食。不過呢個二人餐太大份，兩個人係絕對食唔哂建議大家可以自備外賣盒打包

前幾晚同男朋友上網見到呢間德國餐廳就決定去試吓，我哋揸車嚟而餐廳外面就有停車位，超級方便！因為我哋book咗位嘅關係，唔使等位就入得啦嗌咗鹹豬手同拼盤share食，嘢食不過不失啦，不過現場氣氛好好，我哋食嘅時候係八點，咁啱有live band 跟住啲人生日又會一齊唱生日歌，非常過癮！印象不錯，決定下次會再嚟！

難得今日放假嚟咗屯門搵朋友, 食飽飯, 話早唔早話遲唔遲, 搵個地方飲返杯。🍻呢間德國餐廳店面細細, 入面只得幾張枱, 最啱人少少模下酒杯底。嚟得呢度當然係飲德國啤酒啦, 拎起drink menu 以為有好多選擇.... 點知好多款都貼住售罄(相信係長期都冇供應), 實在有啲失望最後叫咗杯Weisser Hirsch, 麥味香濃得嚟帶有溫和果香味, 好易入口。飲酒又點少得佐酒小食呢。呢款墨西哥薄餅我都係第一次食, 兩塊超薄墨西哥薄餅, 表面烘至乾身微燶, 中間夾住一層濃厚嘅半溶芝士。芝士仲混合咗蔥花, 風味倍增。 薄餅皮食落唔係香脆果type, 而係邊位微脆之餘整體煙韌, 口感一流。

Menu得2隻德國生啤(1黑1白)，2隻都賣晒，又冇其他德國支裝啤，作為一間德國餐廳冇德國啤，同魚柳包冇左魚柳冇分別另外Waiter 態度惡劣，一walk-in入到去就問有冇booking，我話冇，跟住佢就話得返個幾鐘就last order，好似唔想做生意想趕客咁，而得返一張4人枱我冇booking又比我坐，不明白問有冇booking的邏輯所在，都是想為難客人Waiter不想做可考慮轉工或再培訓，政府剛宣布免費重考DSE地點唔就腳但價錢跟另外那德國餐廳大集團差不多，平平租金肯定比大商場平一大截，有時真係想支持下小店都唔得貼錢買難受希望店東好好反省

如題,本想收工去試,見到呢到寫住收晚上十二㸃,就打電話問幾點last call,21:15打電話去問,聽電話嗰個諗一諗,就話差唔多last order,其實貴公司收幾多點呢?

老婆生日，去黃金酒店附近玩。晚餐就去試一試這間德國菜。入到去，問個 waitress有關 dinner set，唔答，直接暴力地反轉我手上的 menu。之後放餐碟時，飛隻碟過黎，好似玩表演咁。即時啦啦霖走人。

好似好耐都冇同男朋友食飯，難為佢星期日仲要去見客，咁岩又係我呢區，我等佢見完客就一齊去食個晚飯。呢間德國餐廳地方細少位置唔大，但裝修有特色，我哋喺冇訂枱既情況下都可以有位真好彩。但用餐時限係90分鐘。嚟德國餐廳梗係要飲返德國啤，一杯就較為甜少少而且麥味比較重，另一杯就清淡啲西班牙風乾火腿配凱薩沙津，蔬菜新鮮爽口，西班牙火腿薄薄一片口感帶淡身唔咸。德國豬手香脆可口，肉質嫩滑又唔會太咸，師傅仲好細心咁切件上一啖一口，非常方便。

早幾日已經打電話黎book左枱 因為有朋友生日 咁三個人就選擇左依間平平地既德國餐廳食品價錢都可以接受 我地三個人叫左五樣野食豬手好大隻 店員仲會事先幫我地切好哂👍🏻👍🏻芝士薯條食落口熱辣辣 芝士仲要溶溶地可以拉絲 正呀德國腸拼盤 好juicy呀 不過有一條我地三個都覺得味道怪怪地薄餅好好食 中間都係夾住芝士 但可能因為佢只係好薄既皮包住 唔會覺得好濟食左咁多樣野埋單都係$700咋！抵食！

今日在屯門新墟街市對面馬路搵食, 這裏附近好多食肆, 搵食絕對唔難, 由於想食德國菜, 就試吓這一間,這裏不太大,得幾張枱 我哋有訂枱一去到有位叫咗:德國鹹豬手配酸菜及薯仔沙律 $175:  一嚟到已經拆哂肉,非常香脆,亦好乾身,D皮好似食薯片咁,肉味好濃,兩個人食都可以,酸菜好開胃,減少豬手的油膩感墨西哥香蔥芝士薄餅 $88: 餅皮超薄,內有拉絲芝士,但最重要係個醬,食落更加好味,如果唔夠還可問店員再取,值得加分德國超級香腸併盤$158: 有五款腸,肉味不錯,有薯條和兩款醬(茄汁&黃芥末)跟,醬很普通,這個作為小食是很好的選擇還點了兩杯飲品,芒果汁和玫瑰啤酒,芒果無乜特別,玫瑰啤酒有少少玫瑰味,可以一試,店員落力執枱,態度親切,二人食了$500

週末...又到我們試新餐廳的日子啦！不囉嗦直接講重點：食物ok不錯吃，但稱不上有驚喜；不提供茶水只能點啤酒🍺；座位很少只有四張四人座位桌子；用餐環境很擠；餐廳小到我想應該沒有洗手間；廚房只有一位廚師👨‍🍳，油煙排放設備不佳！會不會再次幫襯？是可以啦⋯⋯如果想不到吃什麼就會去。點了三個菜如下：#德國鹹豬手 $185豬手炸得好脆，肉軟嫩，這一家西餐算是近期幫襯過'好像'沒有味精的餐廳！這樣竟然就令我感動😭（標準好低啊）#墨西哥香蔥芝士薄餅 $88餅皮波脆要趁熱吃！#Erdinger $62啤酒不是我喝的，沒意見！#加一成服務費就這樣，報告完畢。

前同事轉左工去屯門，難得夾到時間吃飯聚一聚，就決定入去難得一去既屯門搵食。係仁愛堂果邊行過，見到有間德國餐廳，門口有個好nice 既哥哥熱情咁叫我地試下。可以坐低飲啤酒食豬手wor，就呢間啦。入去坐低，雖然空間不大，但五臟俱全😏到野食啦，我地叫左小有既麥西哥薄餅，個醬酸酸甜甜，同個芝士餅好夾，食個唔婷啊👍中意筍骨既同事想試下個豬肋骨，燒得好香，同埋好入味，好易咬開。平時嫌麻煩都唔會叫，今次一試就上癮😎再試埋個豬手，好滿足啊！哥哥好細心咁已經幫我地切好細細件，好方便我地食。個皮卜卜脆。估唔到係屯門普通街位置都有唔錯既德國菜。而且服務態度都好好，哥哥好helpful，有同客人有傾有講，下次再黎😬

聖誕黎緊. 梗係要見下D朋友..第一場PARTY, 朋友揀左呢間德國餐廳. 屯門好似唔係好多果度地方唔係好大, 但聽朋友講原來佢仲有另外1個鋪位係附近有1個朋友遲D到, 所以我地都係睇完先..我見到酒既MENU見到有STELLA..興奮左1下, 點知停售..之後我地叫左HOEGAARDEN另外個FD就叫左黑啤..冇幾野食就到喇..幾款都唔錯. 呢個比較乾身左D..皮脆肉嫩呢個似雞脾既炸魚, 好好味!! 好JUICE..推介!!!!!!!!!!!最尾我地再叫多2杯HOEGAARDEN 我地今日坐果邊地方唔算大, 但有3個店員係度,都幾NICE

今晚早收工，男友突然好興致，想飲下德國啤酒，食下豬手，今次想試下新餐廳，就book左朋友介紹呢間。係門口感覺空間不大，但一坐低我反而覺得好舒服，有住家feel。因為廚師同自己好近，好close水吧位置上面有埋餐牌，隨時加單。第一時間梗係order我地個target 豬手啦呢個豬手好岩我地口味，鹹味剛剛好，配翻個蘿蔔絲，一d 都唔油膩另外叫左個墨西哥薄餅，好足料，夾心係厚厚既芝士，拉到好長既芝士絲廚師創新地系芝士裡面加左蔥，令個芝士更加香芝士控既我，再叫埋芝士薯條呢個芝士同麥西哥薄餅個餡差不多，加左系薯條上面，好邪惡好香啊！第一次飲呢隻apple ciders，淡淡蘋果味，甜味比較重，好易入口，我一試就愛上，下次要end call

屯門這間分店面積比較小，只有大約十四個座位，幸好我們有訂座，而且我們吃晚餐時還未夠六時，只有三、四枱客人，所以也不會太吵。德國鹹豬手豬手上枱時已經起肉，皮燒得很香脆，肉也不太鹹，但豬手比較痩，而我比較喜歡肥一點和多些筋的豬手，因為覺得惹味些。伴碟的酸菜味道只是一般，幸好薯仔沙律還不錯。美式燒排骨排骨燒得很香而且不乾，醬汁也很惹味，薯條也炸得十分香脆，所以很快已被我們消滅了。自家製德國啤酒味道比較淡，適合不太會飲酒的我們。