紅粉佳人 (Closed)

去左旺角行街街，又到要搵食嘅時間，今晚試下呢間啦，吾想再行啦，點知咁有驚喜，要推介下丫！呢間叫紅粉佳人，入到去覺得個feel都幾懷舊咁，心諗驚吾好食d野，但吾係嘅，又平又好食丫！嗌左兩個set dinner，包法包，餐湯，main dish同飲品，我嗌左份烤雞扒配芥末子燒汁跟意粉，而朋友就嗌左德國咸豬手跟薯條。先講個雞扒，好食丫，加左好多香料係面，食落好香好惹味，而且又好脆，雞扒好淋身，好想大塊，好食，吾洗一百蚊呢個餐真超值丫。德國咸豬手估吾到仲正，其實呢個都已經好平，先160幾，平時出面食都要三百蚊啦，店員好好，問我地要吾要起埋肉，岩晒我呢d懶人丫。食落皮好脆，肉很嫩，較喜歡食少少根嘅位，好彈牙，好好食，正。整體感覺超好，服務一流，會加水，同收碟上碟都快，見我地吾多夠位仲放多張枱嚟，食物更加吾洗講，正，又平。要推介俾朋友同大家，會去再食。