火鍋煮場 (Closed)

真心想講呢一間火鍋店嘅德國啤酒優惠真係好crazy，$100一百支唔使一次過飲晒，只要兩個月內嚟幫襯都可以用，當然有一啲條款限制啦，不過啲條款都fair嘅，例如每位消費$250，呢個金額基本上都實達標。深啡色個支小麥味好香好好飲，橙色嗰支西柚啤酒精度比較低清爽易入口。湯底我哋揀咗傳統嘅皮蛋芫荽鍋。呢度啲牛真係質素高，好耐冇試過打邊爐食到啲咁靚雪花紋嘅牛肉。脆鯇片好新鮮。羊肉片就肥咗少少，不過羊味都幾濃但係又唔會羶。我哋仲叫咗個豬雜拼盤。