Video
Read full review
2021-04-25
360 views
友人最近忽發奇想，話要食均港島區大大小小嘅美食廣場，初頭還以為他只是講下笑，估唔到佢會坐言起行，仲揸埋車嚟力邀我一起同行，既然有人管接管送，我當然樂意奉陪。今日第一站就係先去田灣商場地下新開嘅美食廣場「田灣食 mart」。聽朋友講，呢個 food court 雖然開咗唔係好耐，只係短短四個幾月，已經吸引咗唔少附近嘅街坊同學生哥嚟幫襯，加上商場有泊車優惠提供，所以午市繁忙時時人流都幾旺盛，好彩揀咗個較早時段到訪。原來呢個美食廣嘅裝修好有特色，以香港仔漁村風格作設計，喺咁懷舊嘅氣氛下品嚐美食，真係特別有親切感。行咗一圈，場內有四個美食品牌，包括「德國熱狗」、「凝香園」、「包點料理」及「一芳」。由於大家都好肚餓，所以決定先買幾隻熱狗醫肚。先去櫃位睇下餐牌，店舖除了主打多款唔同口味的熱狗外，還有薯蓉及小食等供應。我哋點咗個香蔥豬柳腸套餐 ($58)，另外再加咗隻墨西哥辣腸熱狗 ($38)、蘑菇雞肉腸熱狗 ($35) 同 淨脆皮豬肉腸 ($18)。香蔥豬柳腸套餐：麵包食落非常香口，熱辣辣，外皮脆、包身鬆軟。入面條豬柳腸好正，腸身軟腍可口，伴三色醬吃，更覺滋味。套餐可以揀配炸薯條或三角薯餅，薯餅外
今日第一站就係先去田灣商場地下新開嘅美食廣場「田灣食 mart」。
聽朋友講，呢個 food court 雖然開咗唔係好耐，只係短短四個幾月，已經吸引咗唔少附近嘅街坊同學生哥嚟幫襯，加上商場有泊車優惠提供，所以午市繁忙時時人流都幾旺盛，好彩揀咗個較早時段到訪。
原來呢個美食廣嘅裝修好有特色，以香港仔漁村風格作設計，喺咁懷舊嘅氣氛下品嚐美食，真係特別有親切感。
行咗一圈，場內有四個美食品牌，包括「德國熱狗」、「凝香園」、「包點料理」及「一芳」。由於大家都好肚餓，所以決定先買幾隻熱狗醫肚。
先去櫃位睇下餐牌，店舖除了主打多款唔同口味的熱狗外，還有薯蓉及小食等供應。
我哋點咗個香蔥豬柳腸套餐 ($58)，另外再加咗隻墨西哥辣腸熱狗 ($38)、蘑菇雞肉腸熱狗 ($35) 同 淨脆皮豬肉腸 ($18)。
香蔥豬柳腸套餐：麵包食落非常香口，熱辣辣，外皮脆、包身鬆軟。入面條豬柳腸好正，腸身軟腍可口，伴三色醬吃，更覺滋味。
套餐可以揀配炸薯條或三角薯餅，薯餅外層極之香脆，內裡薯粒帶微爽。
墨西哥辣腸熱狗：麵包外脆內軟，辣腸採用牛肉、豬肉及多款辛辣香料炮製，腸衣非常香脆，肉味帶辣，配上自家調製辣醬，帶點刺激感。
蘑菇雞肉腸熱狗：條腸以雞肉為主，內裡暗藏切碎咗嘅蘑菇粒，食落不油不膩，充滿粒粒口感。
另外打孖上嘅脆皮豬肉腸口感亦不俗，皮脆肉嫩，鮮味突出，配埋啲醬汁食，真係色香味俱全。
Post
