德國熱狗 (Closed)

去到田灣唔知食咩好，就去左田灣商場個food course覓食😮個food course好細，淨係得三四間餐廳，1X個位😂-我就揀左去食德國熱狗既珍寶芝士腸熱夠 ($35)，佢有得加錢跟餐要多D配料同小食，但唔算抵，所以就單買一款熱狗算😂-佢仲有好多款腸可以揀，大部分都係$3X，仲可以自選兩種醬🙊我揀左個茄汁同沙律醬，個茄汁係會有dd辣，配埋個腸食都幾香口🙌🏻-但個包偏硬同乾身，唔係幾好食😕而且成個熱狗得包、腸同醬，我覺得$35唔係幾抵食😕之前西貢個間九吋半有埋洋蔥粒同蕃茄粒都只係$28🥺-整體就食物質素一般，價錢亦唔算平，所以未必會再食😂

得閒半日睇奧運 捧場健兒東京征厭倦燒味碟頭飯 久聞德國熱狗名不是漢堡非炸雞 正是香腸大本營田灣小區本隔涉 揸車嚟買誤前程客人不多夠安靜 把臂同來偈易傾小店服務夠熱心 各行各業有精英揀選蘑菇雞肉腸 還有薯餅做尖兵燒烤醬汁熱量高 吃完體重應不輕蘑菇味道零發覺 只有甜味叫你驚肉腸腸衣比較靱 雞肉應該沒雞精沒有生菜沒番茄 沒有洋蔥算完成?薯餅酥香脆卜卜 輕怡健康好豐盈扎實口感夠吸引 惟有此物獲好評套餐一客五十八 沒有餐飲不平鳴若要飽肚無所謂 不妨幫襯眾弟兄

田灣有一個，也是唯一一個商場，商場內的food court只有四間店舖，其中一間便是熱狗店。熱狗的選擇頗多，有不同國家如德國或匈牙利等，有辣有唔辣，有豬肉有雞肉，醬汁有紅黃白三色及燒汁可選。跟餐的話還可加不同配料，例如芝士、肉醬、茄汁豆等等，另加薯條或薯餅，相當豐富。我點了匈牙利腸配肉醬，三色醬計要齊，配一份薯條。匈牙利腸本是辣的，但辣度甚微，幾乎嚐不出，不過好多肉汁，好味道。朋友點了磨菇雞肉，雞肉腸較乾身，加上不跟餐沒有配料，亁上加乾，幸好麵包軟熟。薯條外脆內軟，一份都幾多，滿足。此店沒有飲品供應，不過可以到鄰店買嘢飲。

除左臘腸，芝士腸，同廚師腸以外既腸都好少食，朋友好想食，又話好值得試下，就陪下佢。本身想叫芝士腸熱狗，不過店家誠意拳拳推介蘑菇雞肉腸，話最受歡迎，我就一試。熱狗好大隻，裝滿一盒，叫餐又配多一盒脆炸鹽味薯條，超飽。朋友如常食紐倫堡腸+芝士+肉醬，有黑椒，辣辣地，較濃味，個人鐘意蘑菇腸多d。蘑菇雞肉腸味道唔會好搶，配熱狗味道好夾。重點係+芝士+肉醬!肉醬整得好好，唔會太酸或者太鹹。整體黎講，都算係我係香港食過又平又足料又好食既熱狗了，如果開係大學會極受歡迎。

本局長是日行與副局長行經田灣商場，見此一商場提供泊車優惠，內裡裝修新簇簇，food court小而精緻，遂入內一窺究竟。局長倆皆為愛狗之人，故決定食德國熱狗。未幾，兩個熱狗套餐已備妥。但覺熱狗盒十分精美，富有港式風味。薯餅及扭紋薯條非常香脆可口，與一般連鎖快餐店之出品不可同日而語。忌廉粟米薯蓉亦香濃好味。熱狗有茄汁、芥辣、酸瓜、燒烤醬供選擇，局長倆選擇前三者混醬，再以德國酸菜為topping。但覺墨西哥及德國脆皮腸熱狗份量十足，香腸脆而味道濃郁，加上醬汁及topping，口感豐富，令人滿足。總括而言，此店食物好吃，份量十足，局長倆盡興而歸。

田灣是一個小社區，平時甚少蹅足，今日行完山，途經田灣，左搵右搵發現一個商場，地下層是一個美食區，規模不大，有四間食肆，橫掂來到，人流又不多，食完午餐再回家。呢間小店主打熱狗，有數十款選擇。德國脆皮腸配車打芝士香脆好脆口，有口感。外層麵包軟熟，配合車打芝士，蕃茄汁，芥辣汁，層次豐富。珍寳辣味燒烤腸配墨西哥肉醬少少的辣味增加胃口感。肉醬味道濃厚，惹味十足。薯餅 ， 薯條即叫即做，熱辣辣，好味。粟米忌廉薯茸薯茸有一粒粒薯仔增添嚼口。粟米忌廉又香又滑，配合薯茸一流。

難得名店德國熱狗進駐南區，當然要試一試！老實講，實在好少食熱狗，面對住十幾款熱狗實在有啲不知所措。 唯有上openrice睇下人地d推介。叫左兩款熱狗。香葱豬柳腸腸身香脆可口，伴以爽甜的洋葱沙律，麵包微微煎過，口感微脆帶暖果然是店內最受歡迎熱狗之一。薯餅有大顆的粒狀的薯仔肉，感覺真材實料！匈牙利辣味腸辣辣地幾惹味，粗薯條好復古，好正！薯蓉 聽講係好受歡迎的名物，係用真正薯仔加牛油整的，食到有薯仔顆粒，薯蓉可選擇一款配料：墨西哥肉醬﹑忌廉粟米﹑車打芝士﹑茄汁豆﹑德國腸仔。我選擇了墨西哥肉醬，超足料，令我諗起細個返學最期待嘅陽光午餐薯蓉餐!

今日黎到田灣探朋友，佢帶左我去樓下既商場，介紹新開無耐既田灣食mart, 話一定有野岩我食喎。我一眼就見到呢間德國熱狗店，在何文田分店食過，印象很好，難得係田灣都有得食。珍寶熱狗餐跟一個珍寶熱狗和一份薯餅或薯條$58匈牙利辣味腸熱狗餐＋德國脆皮腸熱狗餐＋忌廉粟米薯蓉😍😍😍😍二人份，超豐富。個熱狗芝麻包很鬆軟，夾住大大條腸仔，加埋啲五顏六色既醬，很吸引。德國脆皮腸，打孖上，食到short short 聲。匈牙利辣味腸呢條係珍寶香腸，很粗身，帶有黑椒味。落乜醬，自己揀。不過識揀一定揀三色混醬，有酸瓜醬、芥末醬、茄汁醬，簡直是整個熱狗靈魂之所在，沒有這些混醬，就只是一個腸仔包。愛死這些混醬，個熱狗美味道大大的加了分粗薯條和薯餅，熱辣辣，很香脆。忌廉粟米薯蓉$33一大兜，面層勁多甜粟米，薯蓉幼滑得黎仲食到粒粒薯仔，好味又飽肚。美中不足就是餐不跟飲品，欠左杯汽水。不過，還能夠食到香港製造，人情味濃既德國熱狗，已經很滿足了。田灣雖然有點隔涉，但如果揸車黎都方便既，而且呢度仲有泊車優惠，又可以支持下香港美食，都係唔錯既。

友人最近忽發奇想，話要食均港島區大大小小嘅美食廣場，初頭還以為他只是講下笑，估唔到佢會坐言起行，仲揸埋車嚟力邀我一起同行，既然有人管接管送，我當然樂意奉陪。今日第一站就係先去田灣商場地下新開嘅美食廣場「田灣食 mart」。聽朋友講，呢個 food court 雖然開咗唔係好耐，只係短短四個幾月，已經吸引咗唔少附近嘅街坊同學生哥嚟幫襯，加上商場有泊車優惠提供，所以午市繁忙時時人流都幾旺盛，好彩揀咗個較早時段到訪。原來呢個美食廣嘅裝修好有特色，以香港仔漁村風格作設計，喺咁懷舊嘅氣氛下品嚐美食，真係特別有親切感。行咗一圈，場內有四個美食品牌，包括「德國熱狗」、「凝香園」、「包點料理」及「一芳」。由於大家都好肚餓，所以決定先買幾隻熱狗醫肚。先去櫃位睇下餐牌，店舖除了主打多款唔同口味的熱狗外，還有薯蓉及小食等供應。我哋點咗個香蔥豬柳腸套餐 ($58)，另外再加咗隻墨西哥辣腸熱狗 ($38)、蘑菇雞肉腸熱狗 ($35) 同 淨脆皮豬肉腸 ($18)。香蔥豬柳腸套餐：麵包食落非常香口，熱辣辣，外皮脆、包身鬆軟。入面條豬柳腸好正，腸身軟腍可口，伴三色醬吃，更覺滋味。套餐可以揀配炸薯條或三角薯餅，薯餅外

南區food court真係一隻手數得哂，而 #田灣食mart 仲係田灣首個美食廣場，於2020年底開幕，場內有四個商戶，包括：Hot Dog Link、凝香園、包點料理同一芳水果茶，今日率先試德國熱狗先！Hot Dog Link個名好熟，原來係何文田嘅老字號熱狗點，1993年由居港德國人創立，仲喺香港自設廠房製德國腸，難怪熱狗盒盒面寫埋「香港製造 人情味道」，設計都非常港式！由於有自己廠房製造德國腸，所以款式多達17款，仲可以再額外加配料，真係眼花繚亂。匈牙利辣味腸配車打芝士（套餐揀薯餅）$58一拎到有驚喜，因為個盒勁靚。打開盒蓋，熱狗份量大足。麵包外脆內軟，肉腸帶少少辣，配埋店員推介嘅三色醬（茄汁、芥辣醬、酸瓜醬）同車打芝士，每一啖都食到腸同醬汁，好滿足！德國脆皮腸配墨西哥肉醬（套餐揀薯條） $58份量一樣大大份，脆皮腸外皮好腸，墨西哥肉醬好足料又夠哂惹味，真係愈食愈滿足。食肉獸屋企人表示下次都食其他熱狗都要加墨西哥肉醬！薯餅、薯條即叫即炸熱辣辣，有薯餅真係好surprise，因為南區真係無咩小食店有薯餅！薯條都好味，但薯餅開心啲～忌廉粟米薯蓉 $33好大兜薯蓉，由於熱狗配咗肉醬，

【德國熱狗】1993年由德國人開設，為香港首間傳統德式熱狗專門店。店舖現由第三代店主Joy經營，全港共有5家分店。香腸貨源由德國製肉專家主理的香港廠房提供，質素有保證。品牌去年12月進駐田灣商場，於美食廣場【田灣食mart】開業，南區居民不需跨區，也能品嚐傳統好滋味。餐牌選擇豐富，共供應17款香腸，包括香蔥豬柳腸、白熱狗腸、紐倫堡腸、德國脆皮腸、墨西哥辣腸、匈牙利辣味腸等，當中有牛肉、豬肉、雞肉、豬牛混合製成的，部分更經煙熏或加入辣度。套餐可選配粗曲薯條或三角薯餅，開業初期暫未提供餐飲。不吃碳水的生酮飲食者，點淨腸也可。熱狗配搭不同的醬料，如茄汁醬、芥辣醬、酸瓜醬、沙律醬、燒烤醬或混合醬。點了"墨西哥辣腸"珍寶熱狗套餐，配菜可選芝士、肉醬 或酸菜。食物即叫即製，等了15分鐘才到手。熱狗巨型，上面唧滿四色混醬，不同款式熱狗賣相分別不大，幸好店員貼心地在盒上作標示，不致混亂。墨西哥辣腸外皮煎得微脆，內裡肉質鬆軟帶肉汁，香腸微辣，加入肉醬和芝士食味豐富。朋友覺得混醬味道過於複雜，稍稍蓋過了香腸的味道。如果麵包烘得脆身一點，定會更美。炸粗曲薯條足有一整袋，炸得香脆不油膩，加入了幼鹽調味剛好，不

知道德國熱狗係港島開左分店梗係即刻狗衝去食！衝呀衝，有女食梗係衝紅燈都要照上🚦啦都係第一次去田灣，估唔到呢度都有個細細地既商場，裝修又幾新淨，food court 仲有一芳添！叫咗珍寶辣熱狗腸同芝士腸加芝士，條條都有粗又長，個包爭啲嘅唔晒，比女女熟習下呢個粗度都好📏我見佢食包都食到塞爆咗自己個口，一咬落去大肉腸既汁都流哂出黎💦💦💦另外仲叫咗波浪薯條（$16），新鮮炸起熱辣辣加咗少少鹽，再點返佢地自己整嘅蕃茄醬，唔好出面咁甜，點嘅時候放心可以點多啲附近都好似冇乜餐廳，希望佢哋可以吸納到多啲附近居民嘅食客，生意愈做愈好

So Many Hot Dog Choice😍🌭🌭🌭💫..唔小心過左港島區，香港仔一個我平日好少去既地方🤣，趁住有時間來走走，發現呢個沙漠綠洲開左個田灣商場，有唔同類型小食，其中最吸引我既係😍 呢間德國熱狗🌭🌭🌭，各式各樣熱狗腸選擇，仲有唔同口味 可加唔同配料，選擇都幾多，所以今次就食佢2款套餐。.ll $58ll $58ll $30.熱辣辣脆皮腸🌭，加左墨西哥肉醬，味道更加rich 好豐富啊啊啊。面層仲有混醬味道都幾融和，冬天食係幾滋味。跟薯條🍟 份量都不少呢。.另一款芝士腸🌭，配Cheddar Cheese🧀，double Cheese Up。跟薯餅，推薦❤️ 個人較喜歡吃薯餅。最後再帶多一份小脆皮力士腸🌭，可以做宵夜喔。你又喜歡邊種口味既腸呢❓😋..×××××ש香港仔田灣街17號田灣商場地下G03B號舖..

喺南區返左咁耐工都冇周圍覓下食，好在而家都未遲~本人我都幾中意掃街，但疫情下又好難企喺街邊密密食，今次終於揾到田灣商場新開左個mini food court, 有好多掃街小食賣🤩 如果weekend過開泥南區一日遊嘅朋友仔，仲可以試下搭南區獨有嘅舊舢舨船，一覽香港仔/鴨利洲嘅原味道😂今次主要試左兩間店，一間係德國熱狗，我同朋友叫左個德國脆皮腸熱狗餐同家鄉白腸熱狗餐，跟餐係可以加一款toppings 入熱狗同揀一款小食，我揀左加肉醬，朋友加酸瓜，小食就一份薯餅一份薯條，超豐富呀🤤 我個熱狗真係淡淡肉，食完好滿足~另外仲叫左個肉醬薯蓉，超大碗，但都整得幾棉幾正😍 泥食野仲提供埋泊車優惠，真係不得了。

一直聽講南港島線籌備開多幾個站，例如田灣、香港仔、華富⋯所以間唔使都會留意下呢啲地方。原來最近田灣開左個新商場，而且仲有個小型food court，咁為食既我當然去試下啦。food court位於商場地下，有港式小食、點心、熱狗及台式飲料店。德國熱狗：-蘑菇豬肉腸熱狗餐，配料揀左芝士，同薯條，醬料係三色醬-墨西哥辣腸熱狗餐，配料係肉醬，同薯餅，醬料係三色醬-另外加左兩條細德國腸熱狗麵包厚但軟熟，麵粉味香，蘑菇豬肉腸，係粗腸，外皮脆內多汁，而且咬開都見到有蘑菇茸，而芝士味甘香，加埋茄汁、芥末及酸瓜三色醬，味道豐富，而且啖啖都食到醬汁。 而墨西哥辣腸就係微辣，加上微酸既肉醬，惹味得黎又有口感。薯條係粗身扭紋薯條，薯味重又粉，而薯餅外面酥脆，內入面綿軟香甜。兩款食落都唔太油。而細熱狗就單食，皮更加脆，肉味都濃味，唔想食咁飽可以就咁叫條腸試下。