德國餐廳 (Moved) New Location

同姐妹一齊傾計吹水去清bar係唔錯嘅選擇，但係今次我地又想食下野咁，於是簡左哩間。有好多唔同款嘅啤酒同其他冇酒精嘅飲料。我地簡左哩個有士多啤梨味嘅啤酒，幾特別，因為佢唔苦，甜甜地咁，好岩女仔飲。聞落都好香，我朋友都話哩隻啤酒唔錯！跟住我地share左豬手，份量都幾多。之前食過其他餐廳嘅德國豬手，相對黎講哩間唔算咸。個汁係有芥末味嘅，而則邊仲有啲唔係好酸嘅酸菜同薯仔沙律可以伴住黎食。個薯仔沙律好好味，但係份量唔多，好快就比我地清哂。