德國熱狗 (Closed)

田灣是一個小社區，平時甚少蹅足，今日行完山，途經田灣，左搵右搵發現一個商場，地下層是一個美食區，規模不大，有四間食肆，橫掂來到，人流又不多，食完午餐再回家。呢間小店主打熱狗，有數十款選擇。德國脆皮腸配車打芝士香脆好脆口，有口感。外層麵包軟熟，配合車打芝士，蕃茄汁，芥辣汁，層次豐富。珍寳辣味燒烤腸配墨西哥肉醬少少的辣味增加胃口感。肉醬味道濃厚，惹味十足。薯餅 ， 薯條即叫即做，熱辣辣，好味。粟米忌廉薯茸薯茸有一粒粒薯仔增添嚼口。粟米忌廉又香又滑，配合薯茸一流。