德國餐廳 (博文街) (Closed)

黎到大角咀，估唔到位於內街呢度都有間呢正既德國餐廳，位置就比較近奧運站多d，雖然店舖細細，但裝修一d都唔馬虎，都唔少德國特色既裝飾，所以氣氛都唔錯，係門口仲有唔少椅可以比大家叉叉電。佢就主打友呢隻手工啤，但今次黎到就已經賣曬，所以轉左飲隻德國啤，都幾有甘甜味，唔錯。薯片都係大路果隻美國粟米片，但佢就配左個秘制醬汁，有少少辣同埋酸酸地，幾過癮，食落都幾開胃，做前菜就幾唔錯。豬手方面，炸得岩到好處，d皮夠曬脆同新鮮，連埋層豬油食，配埋啤酒，真係好難抵抗呀豬肋骨佢就煮到係彈牙爽口，咬落去有陣肉既回彈，好有口感，唔會似d煲過湯果d豬肉咁，仲配埋個芝士薯蓉，真係岩到好處。薯條方面，都夠曬新鮮香口，夠曬脆。