Video
Read full review
2016-08-28
310 views
人手嚴重不足，waiters 做到踢晒腳。坐低10分鐘，都冇人 serve menu. 準備點菜時，佢又唔理我、淨識推銷凍蟹。好喇，逐樣講每碟菜嘅結果。鵝肝係超乾嘅，同改名前潮州邨嗰啲肥美鬆化簡直兩個世界。鵝肉唔入味、唔鬆化。以前潮州邨用滷水豆腐墊底咖，而家變咗芽菜仔，太過份了。蠔仔粥無落蠔仔！當師傅無心之失吧。換番 OK.蔥油焗雞，點菜嘅時候猛噉 sell 個燒雞，因為「做多咗一隻」喎。諗住堅持要焗雞啦——哼，點知個焗雞同張相冇忽似，一條蔥都無，仲係水汪汪（張相乾身咖）。食落發現係煮腍咗嘅燒雞皮，當然又蔥油味欠奉。咁你明啦，環保呀可。胡椒豬肚湯，味道唔夠濃，齋辣。蝦棗蟹棗，冇蝦蟹味。豉汁蒸鱔，好削。黃豆涼瓜排骨煲、糖醋麵，不過不失。唔該還番個潮州邨我！
好喇，逐樣講每碟菜嘅結果。
鵝肝係超乾嘅，同改名前潮州邨嗰啲肥美鬆化簡直兩個世界。
鵝肉唔入味、唔鬆化。以前潮州邨用滷水豆腐墊底咖，而家變咗芽菜仔，太過份了。
蠔仔粥無落蠔仔！當師傅無心之失吧。換番 OK.
蔥油焗雞，點菜嘅時候猛噉 sell 個燒雞，因為「做多咗一隻」喎。諗住堅持要焗雞啦——哼，點知個焗雞同張相冇忽似，一條蔥都無，仲係水汪汪（張相乾身咖）。食落發現係煮腍咗嘅燒雞皮，當然又蔥油味欠奉。咁你明啦，環保呀可。
胡椒豬肚湯，味道唔夠濃，齋辣。
蝦棗蟹棗，冇蝦蟹味。
豉汁蒸鱔，好削。
黃豆涼瓜排骨煲、糖醋麵，不過不失。
唔該還番個潮州邨我！
Post