吉野家 (粉嶺名都商場)

Open Now

Now Closed

今日去粉嶺圖書館扮偽文青，臨走之前梗係食返少少嘢啦。事關之前食得太多麥記(睇吓我寫咗幾多篇加大我系列就知)咁最後我冇揀食麥記喇，轉咗食吉野家。小弟呢排糧尾，食唔起勁貴嘅一級巨丼，唯有食野菜牛肉飯啦～呢間上菜速度都算快嘅，唔使半分鐘已經有嘢食啦。睇吓個賣相先～～其實都唔錯，啲嘢擺得工工整整(暫時未見過有吉野家會將啲嘢亂咁劈)，算係見得下人咁。首先試下洋蔥，呢到嘅洋蔥對於唔鐘意洋蔥味嘅你可以放心，因為根本就冇洋蔥味(咁當然對鍾情洋蔥嘅人不利喇)你只會食到牛汁嘅味。牛肉就普通喇，冇羶味好係好，不過依然有吉野家同病就係牛肉烚得太老，有啲嚡口。飯有啲失望喇，汁太少，口感硬，再淋少少，多啲汁會仲好味～