Video
Read full review
2007-06-28
14 views
終於來到300了, 當然跟其他食友比仲係小毛見大毛, 但總算係另一個里程碑.300大關, 揀間高水準的吧. 就嘉芙.長假期, 天天練歌, 日月無光, 真係天天頌揚. 星期六, 受難之後復活之前, 來個小休, 剛好這裡有個假期特別九折優惠, 即係唔使加一, Holiday Gourmet Lunch at Sabatini $428一位, 於是又來這裡大吃一頓.好一陣子無來, 已不再是$350的日子, 經濟好?!人不算太多, 當然不用搶食. 訂位時文迪一早吩咐要坐在近食物的位置, 果然給了我們一個有利位置, 行都行小點. 環境繼續係理所當然的舒適.先來一杯汽酒, 味道都不錯, 還送了一籃麵包, 循例都食了一小片, 跟著就出動.Selection of Traditional Roman hors d'oeuvres Buffet: 10分, antipasto係自助式的, 都係每樣試小小已好夠. 先講海鮮, 或許無州際大堆頭, 但生蠔, 蟹腳同凍蝦已足夠. 生蠔係無乜海水味, 但都好新鮮, 大大隻, 都吃了兩件. 當然無蠔吧的質數, 但唔會係一般自助餐的水準.蟹腳非常鮮甜, 小弟浪費地吃
300大關, 揀間高水準的吧. 就嘉芙.
長假期, 天天練歌, 日月無光, 真係天天頌揚. 星期六, 受難之後復活之前, 來個小休, 剛好這裡有個假期特別九折優惠, 即係唔使加一, Holiday Gourmet Lunch at Sabatini $428一位, 於是又來這裡大吃一頓.
好一陣子無來, 已不再是$350的日子, 經濟好?!
人不算太多, 當然不用搶食. 訂位時文迪一早吩咐要坐在近食物的位置, 果然給了我們一個有利位置, 行都行小點. 環境繼續係理所當然的舒適.
先來一杯汽酒, 味道都不錯, 還送了一籃麵包, 循例都食了一小片, 跟著就出動.
Selection of Traditional Roman hors d'oeuvres Buffet: 10分, antipasto係自助式的, 都係每樣試小小已好夠. 先講海鮮, 或許無州際大堆頭, 但生蠔, 蟹腳同凍蝦已足夠. 生蠔係無乜海水味, 但都好新鮮, 大大隻, 都吃了兩件. 當然無蠔吧的質數, 但唔會係一般自助餐的水準.
蟹腳非常鮮甜, 小弟浪費地吃了不少. 凍蝦同樣地高水準, 又係相當鮮甜又清新.
沙律都有好多選擇, 當然只試了小小. 加上我一向喜歡食沙律搭西瓜, 這部份又填了不少空間.
仲有這裡掛頭牌的帕爾馬火腿加哈蜜瓜, 將切得薄薄, 入口無渣的帕爾馬火腿放在甜美的哈蜜瓜上, 只有吃完一件又一件. 晚上係$200一客, 單吃這個已值回不少票價.
吃著吃著, 又送來了龍蝦一隻, 大大隻, 又係好鮮甜, 肉不過老, 比上次無間道的龍蝦刺身出色不少.
Freshly Prepared Homemade Soup of the Day: 9分, 是日例湯係Cannellini Beans and Ham Soup, 湯係濃濃的, 美味.
Your Own Choice of Pasta at Our Cooking Counter: 10分, 這環節除了意粉外, 先食的係多士. 煎過的三文魚, 立魚加上吞拿魚, 配上多士, 好香口. 試了兩碟意粉, 忌廉汁Fettuccine, 相當香濃. 番茄汁Spaghetti, 加件扒同鱸魚, 越食越開胃. 始終覺得這裡的即煮意粉係一大賣點, 相當正.
Grilled Chilean sea bass on Ratatouille and roasted potatoes: 10分, 當我們戰鬥得七七八八, 侍應先會上主菜, 不用擔心. 鱸魚果然係招牌, 煎得剛好, 有鮮味, 帶點香, 完全唔覺腥.
Charred Lamb Chops: 10分, 來這裡, 當然要再食燒羊架. 兩件燒羊架, 食落口有香濃的炭燒味, 肉質係相當好, 並烤得剛好, 有點點騷味, 又係精彩.
Indulge in Our Creative Dessert Varieties from Our Master Pastry Chef: 10分, 當然不能錯過甜品, 更當然係食意大利芝士餅, 都不用說甚麼, 總之係得. 酒味香濃, 不太甜, 口感一流, 加上面頭的復活雞仔, 賣相都好得. 藍莓芝士蛋糕都不錯, 芝士味剛好, 蛋糕好滑, 有點芝士蛋糕工廠的風采. 燉蛋就好香滑, 不太甜. 自家製雪糕都相當美味, 尤其係朱古力味, 香濃又滑, 自製新地, 飽飽都要食.
Italian Coffee: 9分, 最後一節係咖啡, 並送上幾粒朱古力送咖啡, 香濃, 很好的完結.
係比從前貴了點, 但依然係令人回味. 有些餐廳係好食但無吸引力再來, 這裡係每一次食完都心掛掛, 又有衝動再來. 味道: 不能挑剔. 服務: 高水準. 環境/衛生: 當然的好. $428食到這麼多高水準的食物, 其實都係好抵的.
未來過的, 仍然值得來試. 食過的, 自然識得再來.
Post
