留家廚房

Open Now

Now Closed

聽身邊嘅人講咗呢間中菜好耐，主要係食傳統考功夫嘅中菜。始終中菜都係多啲人先嗌得多啲試得多啲，今次就約埋另外三個朋友過嚟試。果然冇失望，絕對可以encore! 👯‍♀️👯‍♀️▫️涼拌醉鮑魚 - 鮑魚柔軟爽口，滲透著玫瑰香同酒香，夠晒入味☺️▫️太史戈渣 - 留家廚房出名嘅一道菜，玉子豆腐嘅質感，不過味道係鹹的。要知道真正嘅食材同煮法，當然要問google達人啦。其實佢係用金華火腿同老雞熬成上湯，將上湯混入雞蛋、生粉、加少少豬油，再加雞子蒸熟，蒸熟後揉爛煮成漿。然後冷藏凝固，切成菱形，沾上生粉再炸。就咁睇已經知步驟唔少，再諗下當中嘅過程例如混成嘅漿液要過篩隔渣、生粉炸漿嘅厚薄調節、火候嘅控制，太史戈渣絕對係一道考功夫嘅心機菜🙇🏻‍♀️▫️蝦子柚皮 - 另一道考功夫菜，自己一定煮唔到，當然要試吓。柚皮一啲苦澀味都無，炆得夠入味，上湯茨汁厚薄適中，蝦子帶出鮮味，食落甘甜👍🏻▫️留家义燒 - 半肥瘦嘅豬肉，肉質軟熟，邊位燒到有啲燶夠晒脆口，再加埋個醬汁，送飯一流👍🏻▫️留家煙燻雞 - 另一道招牌菜，雞肉嫩滑不油膩，好有煙燻香味，仲有少少雞汁，送飯又係一流👍🏻▫️鳳凰焗魚腸 - 魚腸粗身肥美，雞蛋係焗至全熟乾身，但