老上海飯店 (Moved) New Location

講到响香港食上海菜，老上海必定位列小弟三甲之選...一想到燻蛋、蜜汁火方、乳腐方肉、鱔糊..太多太多了，馬上口水長流...是日又係一家人聚首吃飯，拉大隊來擺一圍賀賀大哥哥嘅生辰，非常熱鬧...燻蛋自然是必叫的。蛋黃晶瑩欲滴，質感滑溜，煙燻味又剛好，堪稱全城最佳。膽固醇 ? 暫且休提罷....前菜冷盤叫了三道 --- 醉雞、肴肉及海蜇。海蜇爽口清新，炎夏之妙品；肴肉並不死鹹，醉雞肉嫩，不過若果酒味可以再濃一點就更好....砂煱雲吞雞一大煲。湯夠清澈之餘亦鮮甜，雲吞屬袖珍型，以豬肉餡為主，啱晒我....鱔糊切合本邦上海菜濃油赤醬嘅原則，鱔條彈牙，用來拌飯吃，極品。但對小弟來講，還不盡滿意，因記得從前來食嘅時候，係依足傳統嘅做法，於碟中間掏空，加入大量蒜蓉及熟油，食落就會更香更和味。是次食到嘅就欠缺咗呢種風味，雖則如此，但水準依舊不錯...上海粗炒亦係貫徹濃油赤醬本色，滑滑嘅上海麵，食到個嘴油膩膩，咁先至似食上海菜嘛...壓軸好戲當然係乳腐方肉。腩肉部份吃落一點都不油膩，又夠淰糯，南乳味香濃，真正夾完一嚿再一嚿....來一個未曾叫過嘅蝦仁豆腐，蝦肉爽口，豆腐滑不溜口，不錯...包點如小籠包及