Video
Read full review
2021-03-13
1773 views
疫情下大家都冇得去旅行一年，以前差唔多每年都去我嘅家鄉日本幾次， 宜家諗返起實在太掛住日本嘅壽司同壽喜燒啦! 咁啱前幾日行街經過饗向和民見到佢新推出嘅尊上二人前 6道菜季節限定廚師發板套餐，價錢都只不過係280蚊，絕對係一個親民嘅選擇，所以決定試一試一解思鄉之愁 廚師發板係一種日本嘅料理方式，廚師會因應當日嘅食材去調整餐單， 務求令到顧客可以品嘗到 最新鮮嘅日式料理。 套餐嘅第一道菜係一個雜錦刺身飛魚子沙律 ，刺身非常新鮮，包括咗三文魚 赤貝 帶子 等等，再加上橙紅色嘅飛魚子做配搭， 增添佢嘅鹹味並帶有一點海鮮嘅微甜， 沙律菜除咗基本爽脆嘅生菜之外仲加咗冰菜， 口感清新有咬口， 再配合埋餐廳另外提供嘅洋蔥芥末汁， 作為一個咁多元化嘅前菜， 絕對係刺激到食客嘅味蕾! 跟住落嚟就到其中一個主菜尊上壽司6貫 ， 壽司一上場先不談論佢嘅味道，淨係賣相已經絕對好吸引我同朋友嘅眼球，刺身體積超大，排列得相當整齊有霸氣，燈光反射住刺身上面薄薄嘅油光; 色香味對於一份美食嚟講絕對係缺一不可，呢一份壽司正正表達出咗賣相嘅重要性，未食已經垂涎三尺! 主打包括 脂香四溢嘅九州A4和牛炙燒壽司，油脂分佈平均
廚師發板係一種日本嘅料理方式，廚師會因應當日嘅食材去調整餐單， 務求令到顧客可以品嘗到 最新鮮嘅日式料理。
套餐嘅第一道菜係一個雜錦刺身飛魚子沙律 ，刺身非常新鮮，包括咗三文魚 赤貝 帶子 等等，再加上橙紅色嘅飛魚子做配搭， 增添佢嘅鹹味並帶有一點海鮮嘅微甜， 沙律菜除咗基本爽脆嘅生菜之外仲加咗冰菜， 口感清新有咬口， 再配合埋餐廳另外提供嘅洋蔥芥末汁， 作為一個咁多元化嘅前菜， 絕對係刺激到食客嘅味蕾!
跟住落嚟就到其中一個主菜尊上壽司6貫 ， 壽司一上場先不談論佢嘅味道，淨係賣相已經絕對好吸引我同朋友嘅眼球，刺身體積超大，排列得相當整齊有霸氣，燈光反射住刺身上面薄薄嘅油光; 色香味對於一份美食嚟講絕對係缺一不可，呢一份壽司正正表達出咗賣相嘅重要性，未食已經垂涎三尺!
主打包括 脂香四溢嘅九州A4和牛炙燒壽司，油脂分佈平均， 油花細膩 入口即溶 ; 飽滿甘甜 一啲都唔腥嘅日本油甘魚壽司， 同埋肉質細嫩 但係大嗰隻手板嘅 炙燒原條星鰻魚壽司
第三度菜亦都係我日本好鍾意食嘅爐端燒北海道牛油珍寶帆立貝， 廚師控制個火喉恰到好處，唔會太過老 亦都絕對保留到帆立貝爽甜嘅口感，加上烤貝殼同埋牛油嘅香味，配合起來 簡直就好似去咗日本街頭食店果種風味一樣
跟住落嚟就係 九州和牛壽喜燒同埋日本直送新鮮蔬菜及讚岐烏冬， 牛肉係特別揀咗用牛中極品嘅九州A4和牛，肉質細嫩而味道濃郁, 每一啖充滿著油香又唔會太過肥膩， 夾埋吸收曬牛肉精華爽彈嘅讚岐烏冬同埋蔬菜，呢個配搭簡直冇得輸
最後套餐嘅甜品係 雨滴餅 亦都可以叫做水信玄餅。雨滴餅晶瑩剔透，入口即化 配合埋日本傳統嘅食法 即係加黃豆粉再淋上黑糖豆漿，感覺就好似去咗日本京都一啲特色小店食甜品一樣， 味道清甜夢幻，令人一試愛上
Post
