生記山西刀削麵

Open Now

Now Closed

心血來潮想食刀削麵，呢間刀削麵都食過好多次嫁喇!我次次都係食手撕雞刀削麵。手撕雞d香料好香，男友食食下話:"其實有冇得就咁嗌手撕雞"，所以手撕雞係好好味的!今次d刀削麵同以前有d唔同，粗左又厚左，所以食落去既口質硬左少少!至於d湯，我唔識形容，但我一定係湯連麵一齊入口食~蒜香魚必定要食!!!半邊魚，炸完，再淋上蒜香汁。條魚炸到勁香口，如果係屋企，我一定會拎起條魚骨黎損XD蒜香汁，係好勁既香蒜味，又帶點甜酸既味道，都幾重口味，味蕃充滿刺激感。PS: 食完餐飯成口都會係呢個汁既味道，haha而我男友就嗌左豬扒刀削麵，d湯佢飲晒豬扒我有份食，記得襯熱食，好好味。凍左既話，感覺會唔同晒~