NOOT

Open Now

Now Closed

NOOT (銅鑼灣)銅鑼灣黃泥涌道149號地舖依家好多餐廳都係日啡夜酒，好普遍，日間賣咖啡，晚間賣酒，符合白領需要。All Day Breakfast $148非常豐盛咁擺滿一盤，英式感十足，炒蛋非常滑，蛋香濃郁！香腸同煙肉味道濃郁啖啖肉，特大冬菇烤得好香，軟熟鮮甜又多汁，沙律菜同小蕃茄清新爽口，非常滿足！Spagetti Truffle Mushroom $135好濃黑松露味道，芝士醬汁好濃郁，非常均勻咁沾滿每一條意粉嘅所有面積，味道同口感當然一致唔會每啖都有落差。味道方面真係無得彈，濃郁又有啱啱好嘅糊口感，非常好味！New York Cheesecake $48芝士蛋糕真係非常芝士！每啖都係極之有份量嘅芝士，餅底好薄亦都唔會好有存在感，唔會有喧賓奪主之嫌，整片蛋糕都非常突顯到芝士嘅味道同口感！Pale Ink (Liqueur) $108本身就好鍾意咖啡，亦都有飲愛爾蘭咖啡，對於呢種同咖啡有密切關係嘅酒本身就有認識，呢款Pale Ink本身就帶有咖啡味，酒味反而唔濃烈，入口順滑，好好飲。Orange Juice $35除咗飲酒，炎炎夏日有杯果汁真係賞心愉悅，清涼解渴，果肉多多。