牛石料理 (Closed)

今晚朋友同我慶祝生日，帶左我去～牛石料理～食好野。原來幫襯就可以轉輪盤一次，仲要係必中，中既獎品都會係呢度既主打，海產、刺身、燒肉、清酒、啤酒，獎品都幾吸引。我今日就轉到牛小排。餐廳多數係卡位，櫈既間格都幾高，覺得私隱度幾高，唔錯。慶祝梗係要飲啲酒，叫左獺祭45，清澈柔和，配刺身好夾。先叫個櫻，好豐富架，前菜、刺身、壽司、燒肉、和食、燒物、吸物同甜品。新鮮晚蟹籽沙律鯛魚、油甘魚、三文魚、帆立貝刺身， 超新鮮。清魚、油甘魚、北寄貝壽司燒肉出場賣相架勢，由抽中既牛小排開始食，食到最肥美既A5 和牛肉眼，超正。和牛炒飯，成碗飯好香牛味。燒物大蝦肉質超彈牙。吸物魚湯好濃呀。另外再叫左好多正野：柚子酢左口魚裙邊，我好鐘意食左口魚，但第一次咁食法，柚子醋既酸解低左左口魚既膩感，所以食多幾件都無問題，夠哂Juicy。鹽燒日本油甘魚鮫，估唔到魚餃都咁多肉，正。脆口鹽燒日本雞皮。炸軟殼蟹卷，滿滿既蟹籽係面，入面軟殼蟹好酥脆。芝士年糕，最啱餸酒。食埋雪糕就prefect。